မေ ၇ ၊ ၂၀၁၄
M-Media
– ၀န်းကြီးချုပ်တာဝန် ထမ်းဆောင်နေစဉ်အတွင်း အာဏာအလွဲသုံးစားလုပ်ခဲ့ကြောင်း တွေ့ရှိခဲ့၍ ထိုင်းဝန်ကြီးချုပ် ယင်းလပ်ရှင်နာဝပ်ထရာအား ရာထူးမှဆင်းပေးရန် အခြေခံ ဥပဒေဆိုင်ရာ တရားရုံးက ယနေ့တွင် အမိန့်ချမှတ်ခဲ့သည်ဟု သိရသည်။
၂၀၁၁ ခုနှစ်က လုံခြုံရေးအကြီးအကဲတစ်ဦးအား ပြောင်းရွှေ့ခန့်ထားရာတွင် ယင်းလပ်က ၎င်း၏ အာဏာကို အလွဲသုံးစားလုပ်ခဲ့ကြောင်း စစ်ဆေးတွေ့ရှိခဲ့၍ တရားရုံးက ယခုကဲ့သို့ အမိန့်ချမှတ်ခဲ့ခြင်းဖြစ်သည်။
ထိုပြောင်းရွှေ့မှုမှာ ယင်းလပ်မိသားစု၏ နိုင်ငံရေးအသိုင်းအ၀ိုင်းကို အကျိုးရှိစေခဲ့သည့် လျှို့ဝှက်စီမံမှုဖြစ်သည်ဟု တရားရုံးက ဖော်ပြခဲ့ပြီး၊ အာဏာ အလွဲသုံးစားလုပ်မှုတွင် ကတ်ဘိနတ်ဝန်ကြီး ၉ ဦးလည်း ကြံရာပါဖြစ်သည်ဟုဆိုသည်။
ဝန်ကြီးချုပ်ယင်းလပ်အား ရာထူးစွန်လွှတ်ရန် ၆ လကြာကြိုးစားမှု မအောင်မြင်ခဲ့သောကြောင့် ဥပဒေနည်းလမ်းကို အသုံးပြုကာ ယခုကဲ့သို့ ဖြုတ်ချခြင်းဖြစ်သည်ဟု ယင်းလပ်အား ထောက်ခံသူများက စွပ်စွဲခဲ့သည်။
ထိုကဲ့သို့ အမိန့်ချမှတ်ခဲ့မှုမှာ ကာလကြာရှည်ဖြစ်ပွားနေသည့် ထိုင်းနိုင်ငံရေးအကြပ်အတည်းတွင် မမျှော်လင့်သော အဖြစ်အပျက်လည်းဖြစ်သည်။ ယင်းလပ်အား ထောက်ခံသူများကမူ လာမည့် စနေနေ့တွင် အကြီးအကျယ်ဆန္ဒပြရန်စီစဉ်ထားပြီး အကြမ်းဖက်မှုများဖြစ်ပွားနိုင်သည့်အတွက် အများစုက စိုးရိမ်နေကြသည်။
Agencies
Leave a Reply
You must be logged in to post a comment.