ဇွန် ၁၁၊ ၂၀၁၄
M-Media
လမင်း
ရန်ကုန်။ ။ ရန်ကုန်မြို့တွင်းပြေးဆွဲလျှက်ရှိသော ခရီးသည်တင်ယာဉ် ဘတ်စ်ကားများကို ယာဉ်ထိန်း ရဲတပ်ဖွဲ့ဌာနမှ ရဲမှုခင်း ကင်းစင်သည့် ကားများကိုသာ CNG ဓာတ်ငွေ့ ထုတ်ပေးမည်ဖြစ်ကြောင်း ရန်ကုန်တိုင်းဒေသကြီး အမှတ် ၂ ယာဉ်ထိန်းရဲ တပ်ဖွဲ့မှူးရုံးမှ ဒုတိယရဲမှူးကြီး လင်းထွဋ်က ပြောသည်။
“ကျွန်တော်တို့ CNG ဓာတ်ငွေ့ဆိုင်နဲ့တွေနဲ့ ပူးပေါင်းပြီး ယာဉ်မှုကင်း ကင်စင်တဲ့ယာဉ်တွေကိုသာ CNG ဓာတ်ငွေ့ ထုတ်ပေးသွားဖို့အတွက် စီစဉ်နေပါတယ်။ အဲ့လိုလုပ်လိုက်ရင် သူတို့လည်း တစ်လတစ်ခေါက်တော့ ယာဉ်မှုခင်း ကင်းမကင်း လာစစ်ဆေးဖြစ်မှာ ဖြစ်ပါတယ်” ဟု ၎င်းကဆက်လက်ပြောကြားခဲ့သည်။
ယာဉ်ထိန်းရဲဌာနတွင် ယာဉ်မှုခင်း ကင်း/မကင်း စစ်ဆေးပြီး ယာဉ်ထိန်းရဲဌာနမှ ကင်းစင်ကြောင်း အမှတ်အသားပါမှသာ CNG ဓာတ်ငွေ့ ထုတ်ပေးရန်အတွက် ယာဉ်ထိန်းရဲဌာနနှင့် စွမ်းအင်ဝန်ကြီးဌာနတို့မှ ပူးပေါင်းပြီးဆောင်ရွက်သွားမည်ဖြစ်သည်။
ယခင်အစိုးရလက်ထက်က ယခုကဲ့သို့ ယာဉ်မှုခင်းကင်းမှသာ CNG ဓာတ်ငွေ့ ထည့်ခွင့်ရှိပြီး ယာဉ်မှုခင်း မကင်းသည့်ယာဉ်များအနေနဲ့ ထည့်ခွင့်မရှိကြောင်းသိရသည်။
ယခုအခါတွင် စည်းကမ်းမလိုက်နာသည့် ယာဉ်များ များပြားလာပြီး ယာဉ်ထိန်းရဲအင်အားမှာနည်းပါးနေသောကြောင့် မီးပ္ပိုင့်များတွင် ကင်မရာများတပ်ဆင်ပြီး ဖမ်းဆီးလျှက်ရှိနေသည်။ ယခုဆိုလျှင်လည်း Online တွင် ယာဉ်ထိန်းရဲဌာနမှ Page တစ်ခုပြုလုပ်ပြီး စည်းကမ်းမဲ့ယာဉ်များကို ပြည်သူများမှ တိုင်ကြားနိုင်ပြီး ယာဉ်ထိန်းရဲဌာနမှ ထိရောက်စွာအရေးယူလျှက်ရှိနေပါသည်။
စွမ်းအင်ဝန်ကြီးဌာနမှ CNG ဓာတ်ငွေ့ များကို ၂၄ နာရီရောင်းချပေးလျှက်ရှိနေပြီး ရန်ကုန်မြို့တွင် သဘာဝဓာတ်ငွေ့အရောင်းဆိုင်ပေါင်း ၄၁ ဆိုင်ရှိသည်။
ဓါတ်ပုံအညွှန်း – ဓါတ်ငွေ့ဖြည့်နေသည့် CNG ကားတစီး (Photo- မြစ်မခ)
Leave a Reply
You must be logged in to post a comment.