ဇွန်လ ၂၇ ၊ ၂၀၁၄
M-Media
– ရုရှားလိုလားသူ ခွဲထွက်ရေးသမားများ၏ ပြဿနာနှင့် ကြုံတွေ့နေရသည့် ယူကရိန်းနိုင်ငံမှာ ဥရောပသမဂ္ဂ ၏ လွတ်လပ်သော ကုန်သွယ်ရေး သဘောတူညီချက်ကို ယမန်နေ့တွင် လက်မှတ်ရေးထိုးခဲ့သည်ဟု သိရသည်။
“လေးနက်၍ ပြည့်စုံသော လွတ်လပ်စွာ ကုန်သွယ်ရေး သဘောတူညီချက်” ဟုခေါ်သည့် အဆိုပါ သဘောတူညီချက်ကို လက်မှတ်ရေးထိုးနိုင်ခဲ့သည့်နေ့မှာ သမိုင်းဝင်နေ့ဖြစ်ပြီး ထိုအခွင့်အရေးအား ခေတ်မှီသောနိုင်ငံ ဖြစ်လာရေး အတွက် အသုံးချသွားမည်ဟု ယူကရိန်း သမ္မတသစ် ပိုရိုရှန်ကိုကဆိုသည်။ ထို့ပြင် ယူကရိန်းနှင့် ဒေသတွင်းအနာဂတ် ငြိမ်းချမ်းရေးနှင့် လုံခြုံရေးမှာလည်း အရေးပါကြောင်း ၎င်းက ထည့်သွင်းပြောကြားခဲ့သည်။
ထိုသဘောတူညီချက်အား လက်မှတ်ထိုးရေး အတွက် ပြည်သူများက ဆန္ဒပြခဲ့ခြင်းကြောင့် ရုရှားလိုလားသူ ယူကရိန်းသမ္မတဟောင်း ယာနူကိုဗစ်ခ်ျ ပြုတ်ကျခဲ့ ရပြီး နောက်ပိုင်းတွင် ရုရှား လိုလားသူ ခွဲထွက်ရေးသမားများက ခရိုင်းမီးယားဒေသအား ယူကရိန်းမှ ရုရှားနိုင်ငံ အတွင်းသို့ ပြောင်းလဲ သွတ်သွင်းခဲ့သည်။ ထို့ပြင် နိုင်ငံအရှေ့ပိုင်း ဒေသများကိုလည်း လွတ်လပ်သောနိုင်ငံအဖြစ်တည်ထောင်ရန် လက်နက်ကိုင် ပုန်ကန်ခဲ့ကြသည်။
သမ္မတစ် ပိုရိုရှန်ကို တက်လာပြီးနောက်ပိုင်း ခွဲထွက်ရေးသမားများအား ပြင်းပြင်းထန်ထန်နှိမ်နင်းခဲ့သည်။ သို့သော်လည်း ပြီးခဲ့သည့် သီတင်းပတ်က ရုရှားသမ္မတ ဗလာဒီမာပူတင်နှင့် ဆွေးနွေးပြီးနောက်ပိုင်း ပြဿနာပြေလည်ရေး အတွက် ငြိမ်းချမ်းရေး လုပ်ငန်းစဉ်ကို စတင်ခဲ့ကာ ယခုလက်ရှိတွင် အပစ်ရပ်ကြောင်း ကြေညာထားသည်။
Ref: Al Jazeera and agencies
Leave a Reply
You must be logged in to post a comment.