ဇွန်လ ၂၇ ၊ ၂၀၁၄
M-Media
– ဆီးရီးယားရှိ အစိုးရ အတိုက်အခံများအား လေ့ကျင့်ပေးရေးနှင့် လက်နက် တပ်ဆင်ရေးတွင်အသုံးပြုရန်အတွက် ကန်ဒေါ်လာ သန်း ၅၀၀ ဘက်ဂျက်အား ခွင့်ပြုပေးရန် အမေရိကန်သမ္မတ အိုဘားမားက လွှတ်တော်သို့ တောင်းဆိုလိုက်သည်ဟု သိရသည်။
ထိုကဲ့သို့ တောင်းဆိုမှုမှာ အလယ်အလတ် အတိုက်အခံများက ထိန်းချုပ်ထားသော ဒေသများ တည်ငြိမ်ရေးနှင့် ဆီးရီးယားပြည်သူများအား ကာကွယ်ရေးတို့အတွက် အမေရိကန်၏ ကူညီမှုကို တိုးမြှင့်ရန် ရည်ရွယ်ခြင်းဖြစ်သည်ဟု အိမ်ဖြူတော်က ယမန်နေ့တွင် ပြောကြားခဲ့သည်။
ကုလရှိ ရုရှားသံအမတ် ဗီတာလီ ချာကင်ကမူ အမေရိကန်၏ ထိုခြေလှမ်းမှာ မှားယွင်းသောလားရာသို့ ဦးတည်နေသည်ဟု ပြောကြားခဲ့သည်။
၂၀၁၁ ခုနှစ်မတ်လကတည်းက ဆီးရီးယား အတိုက်အခံများအတွက် အမေရိကန်၏ ထောက်ပံ့မှုမှာ ဒေါ်လာ ၂၈၇ သန်းရှိပြီဖြစ်ပြီး များသောအားဖြင့် အသက်အန္တရာယ်မရှိနိုင်သည့် ကိစ္စများတွင်ဖြစ်သည်။ ထို့ပြင် အလယ်အလတ် အတိုက်အခံများအတွက် လျှို့ဝှက် စစ်သင်တန်းပေးမှုများကို စီအိုင်အေက ဂျော်ဒန်နိုင်ငံတွင် ပြုလုပ်ခဲ့သည်။
ထို့ပြင် အိမ်နီးချင်းနိုင်ငံများဖြစ်သည့် ဂျော်ဒန်၊ လက်ဘနွန်၊ တူရကီနှင့် အီရတ်နိုင်ငံများရှိ ဆီးရီးယား ဒုက္ခသည်များအတွက် ထောက်ပံ့ငွေ ဒေါ်လာ ၁.၅ ဘီလီယံ ပေးမည်ဟု အမေရိကန်က အဆိုပြုထားပြီး ထိုအထဲမှ သန်း ၅၀၀ ကို ပေးအပ်ခဲ့သည်။
သို့သော်လည်း ဆီးရီးယားပြဿနာအား စစ်ရေးအရ မဖြေရှင်းနိုင်ဘဲ အမေရိကန်တပ်များကိုလည်း ဆီးရီးယားသို့မလွှတ်ဟု အမေရိကန် အစိုးရက ပြောဆိုထားသည်။
Ref: Agencies
Leave a Reply
You must be logged in to post a comment.