ဇူလိုင် ၁၁ ၊ ၂၀၁၄
M-Media
– လိင်ပိုင်းဆိုင်ရာနှင့် မျိုးပွားမှုဆိုင်ရာ ကျန်းမာရေးကဏ္ဍတွင် ရင်းနှီးမြှုပ်နှံမှု နည်းပါးသောကြောင့် ပစိဖိတ်ကျွန်းနိုင်ငံများတွင် အမျိုးသမီးများနှင့် မွေးကင်းစ ကလေးငယ်များ သေဆုံးနေရသည်ဟု နယူးဇီလန် ပါလီမန်ရှိ လူဦးရေးနှင့် ဖွံ့ဖြိုးတိုးတက်ရေး အုပ်စု NZPPD က ယနေ့တွင် ထုတ်ပြန်သော အစီရင်ခံစာတွင် ဖော်ပြထားသည်။
ထိုအစီရင်ခံစာအား ကမ္ဘာ့လူဦးရေနေ့ အထိမ်းအမှတ်အဖြစ် ထုတ်ပြန်ခဲ့ခြင်းဖြစ်ပြီး ပိစိဖိတ်ကျွန်းနိုင်ငံများတွင် လိင်ပိုင်းဆိုင်ရာနှင့် မျိုးပွားမှုဆိုင်ရာ ကျန်းမာရေးစနစ်မှာ အားနည်းနေသည်ဟုလည်း ဖော်ပြထားသည်။
ပါပူအာ နယူးဂီနီ၊ ကီရီဘာတီနှင့် ဆော်လမွန် ကျွန်းစုနိုင်ငံများတွင် ကိုယ်ဝန်ဆောင်နိုင်သော အမျိုးသမီးများ၏ ၃၀ ရာခိုင်နှုန်းအောက်သာ ခေတ်မီ သန္ဓေ တားဆေးများကို သုံးစွဲကြပြီး ဆယ်ကျော်သက် အရွယ် ကိုယ်ဝန်ဆောင်မှုနှုန်း ထားမှာလည်း စိုးရိမ်ဖွယ်မြင့်မားနေသည်ဟု သိရသည်။
အချို့နိုင်ငံများတွင် ဖြစ်ပွားနေသည့် လိင်အခြေပြု အကြမ်းဖက်မှုနှုန်းမှာ ကမ္ဘာ့အမြင့်ဆုံး နိုင်ငံများတွင် ပါဝင်နေပြီး အမျိုးသမီးများ၏ သုံးပုံနှစ်ပုံမှာ အနီးကပ် မိတ်ဆွေများ၏ ရုပ်ပိုင်းဆိုင်ရာနှင့် လိင်ပိုင်းဆိုင်ရာ အကြမ်းဖက်မှုများကို ခံစားနေရသည်ဟုလည်း ထိုအစီရင်ခံစာတွင် ထည့်သွင်း ဖော်ပြထားသည်။
မိသားစုစီမံကိန်းတွင် ရင်းနှီးမြှုပ်နှံမှုပြုလုပ်ပါက လူ့အသက်များအား ကယ်တင်နိုင်ပြီး ငွေကြေး ကုန်ကျမှုကိုလည်း လျော့ ချနိုင်သည်ဟု လေ့လာမှုများက ဖော်ပြသည်။ ကီရီဘာတီရှိ မိသားစုစီမံကိန်း လိုအပ်ချက်များကို ဖြည့်ဆည်းပေးနိုင်ပါက တစ်နှစ်လျှင် မွေးကင်းစကလေးငယ် ၈၆၀ ဦး သေဆုံးနေမှုအား နောင် ၁၅ နှစ်အတွင်း ၁၈ ရာခိုင်နှုန်းလျော့ချနိုင်မည်ဟု အခြားလေ့လာမှု တစ်ခုတွင် ဖော်ပြထားသည်။
ထို့ပြင့် ဆန္ဒမရှိသည့် ကိုယ်ဝန်ဆောင်မှုကို တားဆီးခြင်းက ဗန်နွာတူနိုင်ငံနှင့် ဆော်လမွန်ကျွန်းစု နိုင်ငံများတွင် မွေးကင်းစကလေးသေဆုံးမှုနှင့် ကလေးပျက်ကျမှု ၂၅၀၀ ကျော်ကို ရှောင်လွဲနိုင်မည်ဟုလည်း လေ့လာမှုများအရ သိရသည်။
Leave a Reply
You must be logged in to post a comment.