News @ M-Media

လန်ဒန်မြို့တော်ဝန်မှ မြို့တော်ခန်းမတွင် ပါလက်စတိုင်း အလံလွှင့်ထူပြီး ဂါဇာမှပြည်သူများနှင့် တသားထဲရှိကြောင်းပြသ

သြဂုတ် ၄ ၊ ၂၀၁၄

M-Media


_76662624_76662623

ဇူလိုင်လ (၇)ရက်ကစပြီး ဗုံးကြဲစစ်ဆင်မှုကို ခံစားနေရတဲ့ ဂါဇာပြည်သူများနဲ့ တစ်သားတည်းရှိကြောင်း ပြသသောအားဖြင့် လန်ဒန်မြို့တော်၊ Tower Hamlets အရပ် မြို့တော်ခန်းမပေါ်မှာ ပါလက်စတိုင်း အလံကို လွှင့်ထူလိုက်ပါတယ်။

မြို့တော်ဝန် Lutfur Rahman က “ဂါဇာပြည်သူများနဲ့ တစ်သားတည်းရှိကြောင်း လူသားချင်းစာနာထောက်ထားမှုကို ပြသတဲ့အနေနဲ့ မြို့တော်ခန်းမပေါ် ကျွန်တော်တို့ ပါလက်စတိုင်း အလံကို လွှင့်ထူတာဖြစ်ပါတယ်။

index“အသဲအမည်း စစ်ဆင် တိုက်ခိုက်လာမှုနဲ့အတူ ဂါဇာကို ပိတ်ဆို့ထားခြင်းက လူသားချင်းစာနာထောက်ထားမှုအပေါ် ရုပ်ပျက်ဆင်းပျက်ဖြစ်နေပါပြီ။ လူတစ်ထောင်ကျော် သတ်ဖြတ်ခံရတဲ့ထဲက အများစုဟာ အမျိုးသမီးတွေ၊ ကလေးငယ်တွေသာ ဖြစ်နေပါတယ်။ ဒဏ်ရာရသူများအားလုံးကို ဆေးဝါးကုသမှု ခံယူနိုင်ရေးအတွက် အကူအညီလမ်းကြောင်း ဖွင့်ပေးဖို့ အရေးပေါ်လိုအပ်ပါတယ်။ ဒီကြေကွဲစရာ ပဋိပက္ခကြားထဲ အသက်ဆုံးရှုံးမှုများအပေါ် ကျွန်တော်တို့ အထူး ၀မ်းနည်းရပါတယ်။ အပြစ်မဲ့အသက်တွေ ဘဝတွေ ထပ်မံမဆုံးရှုံးအောင်၊ အစ္စရေးနဲ့ပါလက်စတိုင်းတို့အကြားက
အကြမ်းဖက်သံသရာကို ချိုးနှိမ်မယ့် ရေရှည်ငြိမ်းချမ်းရေး ဖော်ဆောင်ပေးနိုင်အောင် ကျွန်တော်တို့ရဲ့ဝန်ကြီးချုပ်ကို တိုက်တွန်းထားပါတယ်” လို့ Telegraph သတင်းစာကို ပြောကြားလိုက်ပါတယ်။

“ဗြိတိသျှမြို့တော်ခန်းမကနေ အလံလွှင့်ထူတာဟာ ဥရောပနဲ့ ကမ္ဘာတစ်ဝှမ်းက အကြမ်းဖက်သမား အဖြစ် သတ်မှတ်ထားတဲ့ အဖွဲ့အစည်းတစ်ခုကို ထောက်ခံသော အားပေးသလို ဖြစ်နေကြောင်း မြို့တော်ဝန် ရဟ်မာန်အနေနဲ့ သတိပြုမိဖို့လိုပါတယ်။ ဒီလိုလုပ်တာ မသင့်လျော်ပါဘူး။ ကျွန်တော်တို့မြို့တော်က လူအဖွဲ့အစည်းတွေအကြား ရင်းနှီး ပတ်သက်နေမှုတွေကို ဖျက်စီးရာရောက်စေပါတယ်” ဆိုပြီး ဗြိတိသျှ ဂျူးလူမျိုးများရေးရာ ဘုတ်အဖွဲ့ ဒုဥက္ကဌ Jonathan Arkush က ပြောပါတယ်။

တစ်ချိန်တည်းမှာပဲ ကွန်ဆာဗေးတစ်ပါတီဥက္ကဌ Grant Shapps က “လက်တွေ့ရလဒ် ထွက်ဖို့မရှိတဲ့ လူပိန်းကြိုက်နိုင်ငံရေး ရည်မှန်ချက်နဲ့ အလံကို လွှင့်ထူနေတာထက် ကျွန်တော်တို့လုပ်ဖို့ တကယ်လိုအပ်နေတာက အပစ်အခတ်ချက်ခြင်း ရပ်စဲရေးနဲ့ လူသားချင်းစာနာထောက်ထားမှု အကူအညီ ဆက်ပေးနိုင်ရေးပဲဖြစ်တယ်” လို့ MailOnline ကို ပြောဆိုလိုက်ပါတယ်။

ပါလက်စတိုင်းလူဦးရေ (၁.၈)သန်းနေထိုင်တဲ့ ဂါဇာကမ်းမြှောင်ဒေသကို အစ္စရေးတို့ရဲ့ ဒီတစ်ကြိမ် စစ်ဆင်ရေးဟာ ခြောက်နှစ်အတွင်း အဆိုးဝါးဆိုးလုပ်ရပ်ဖြစ်ပါတယ်။ ရက်သတ္တလေးပတ်တိုင်တိုင် မရပ်မနား ချေမှုန်းနေတဲ့အတွက် ယခုချိန်ထိ ပါလက်စတိုင်းပြည်သူ (၁၈၀၀)ကျော် သေဆုံးပြီး၊ (၉၀၀၀)အထက် ဒဏ်ရာရရှိခဲ့ပါတယ်။ အစ္စရေးဖက်က စာရင်းအရ မိမိတို့ဖက်က အနည်းဆုံး (၆၁)ဦး သေဆုံးရပြီလို့ ဆိုထားပါတယ်။

Source : World Bulletin

Comments

Leave a Reply