သြဂုတ် ၁၃ ၊ ၂၀၁၄
M-Media
– ကိုင်ရိုမြို့တွင် ပြုလုပ်နေသည့် အစ္စရေးနှင့် ဟားမက်စ်တို့၏ ငြိမ်းချမ်းရေး ဆွေးနွေးပွဲတွင် ဂါဇာအား အစ္စရေးမှ ပိတ်ဆို့ထားမှုကို ဖွင့်ပေးရန် အသေးစိတ် ဆွေးနွေးခဲ့သော်လည်း အောင်မြင်မှုမရခဲ့ဟု သိရသည်။
ဂါဇာနှင့်တကွ ပိတ်ဆို့ခံထားရသည့် ပါလက်စတိုင်းပိုင်နက်အားလုံးကို ဖွင့်ပေးရန်နှင့် မတရားဖမ်းဆီးထားသည့် ပါလက်စတိုင်း အကျဉ်းသားများအား ပြန်လည် လွှတ်ပေးရန် ပါလက်စတိုင်းတို့ဘက်က တောင်းဆိုထားသည်။
အစ္စရေးကမူ ထိုတောင်းဆိုချက်များကို လိုက်လျောမည့် ပုံစံမျိုးမပြဘဲ ဂါဇာဒေသတွင် လက်နက်ကိုင် ကင်းမဲ့ဇုန်ဖြစ်ရေးကိုသာ လိုချင်သည်ဟု ပြောကြားထားသည်။
အင်္ဂါနေ့က စတင်ခဲ့သည့် ၇၂ နာရီကြာ အပစ်ရပ်ရေးမှာ မနက်ဖြန်တွင် ပြည့်မည်ဖြစ်ပြီး အမြဲတမ်းငြိမ်းချမ်းရေး သဘောတူညီချက်ရရန် အလှမ်း ကွာဝေးနေခြင်းကြောင့် ဂါဇာဒေသတွင် အစ္စရေး၏ ပစ်ခတ်မှုများ ပြန်လည် မြင်တွေ့ရဖွယ်ရှိနေသည်။
ဟားမက်စ်တို့၏ ဒုံးကျည်ပစ်ခတ်မှုကို တုံ့ပြန်သည်ဟုဆိုကာ ဇူလိုင် ၈ ရက်နေ့မှစ၍ ဂါဇာအား အစ္စရေးတို့က ကျူးကျော်တိုက်ခိုက်ခဲ့ပြီး တစ်လကျော်ကြာမြင့်ခဲ့သည့် တိုက်ခိုက်မှုများအတွင်း ပါလက်စတိုင်းပြည်သူ ၂၀၀၀ ကျော် သေဆုံးခဲ့သည်။ ဂါဇာဒေသအတွင်း မြေပြင်တပ်များ ၀င်ရောက်ကျူးကျော်တိုက်ခိုက်မှုအတွင်း အစ္စရေးစစ်သား ၆၀ ကျော် သေဆုံးခဲ့သည်။
Agencies
Leave a Reply
You must be logged in to post a comment.