သြဂုတ် ၁၄၊ ၂၀၁၄
M-Media
– နိုင်ငံတကာ သင်္ချာပညာရှင်များ အစည်းအရုံးမှ ချီးမြှင့်သည့် သင်္ချာပညာရဲ့ နိုဘဲလ်ဆုအဖြစ် တန်းတူသတ်မှတ်ထားတဲ့ သင်္ချာဘာသာရပ်ဆိုင်ရာအမြင့်ဆုံး Fields Medal ဆုကို အီရန်နွယ်ဖွား အမျိုးသမီး မရ်ယမ် မီရ်ဇာခါနီက ဆွတ်ခူးရှိခဲ့သည်ဟု သိရသည်။
အသက် ၃၇ နှစ်အရွယ်ရှိ မီရ်ဇာခါနီမှာ အီရန်တွင် မွေးဖွားပြီး အင်္ဂလန်နိုင်ငံ ဟားဗတ်တက္ကသိုလ်မှ Ph.D ဘွဲ့ကို ရရှိခဲ့ကာ လက်ရှိတွင် ကယ်လီဖိုးနီးယားရှိ စတန်းဖို့ဒ် တက္ကသိုလ်၌ သင်္ချာပါမောက္ခအဖြစ် ဆောင်ရွက်နေသူဖြစ်ပြီး Fields Medal ဆုကို ပထမဆုံး ရရှိသော အမျိုးသမီးဖြစ်လာခဲ့သည်။
ဆုချီးမြှင့်ပွဲအခမ်းအနားကို တောင်ကိုရီးယားနိုင်ငံ ဆိုးလ်မြို့တွင် ယမန်နေ့က ပြုလုပ်ခဲ့ပြီး ဆုတံဆိပ်နှင့်အတူ မီရ်ဇာခါနီမှာ ဆုကြေးငွေ ပေါင် ၈ထောင် ရရှိခဲ့သည်။ Fields Medal ဆုမှာ သင်္ချာပညာရပ်နယ်ပယ်တွင် နိုဘယ်ဆုကဲ့သို့ ကျော်ကြားသည့် အမြင့်ဆုံး ဆုတံဆိပ်လည်း ဖြစ်သည်။
Fields Medal ဆုကို ၁၉၃၆ ခုနှစ်မှစ၍ လေးနှစ်တစ်ကြိမ် ချီးမြှင့်ခြင်းဖြစ်ပြီး ယခင် ဆုရရှိခဲ့ဘူးသူ ပညာရှင်ပေါင်း ၅၂ ဦးစလုံးမှာ အမျိူးသားများ ချည်းသာ ဖြစ်သည်။
ယခုနှစ်တွင် မီရ်ဇာခါနီနှင့်အတူ ပြင်သစ်၊ ဗြိတိန်နှင့် အမေရိကန်တို့မှ သင်္ချာပညာရှင် သုံးဦးတို့က အဆိုပါဆုကို ရရှိခဲ့သည်။
ငယ်စဉ်အခါက စာပေဘက်တွင် ၀ါသနာတ၏ထုံပြီး အကိုတစ်ဦး၏ ဥာဏ်စမ်းတစ်ခုကြောင့် သင်္ချာပညာရပ်ကို စိတ်ဝင်စားလာခဲ့သူ မီရ်ဇာခါနီက မိမိအနေဖြင် ယခုကဲ့သို့ ဆုရရှိခြင်းကြောင့် သင်္ချာပညာရှင် အမျိုးသမီးများအတွက် အားဖြစ်စေပြီး၊ အမျိုးသမီးဆုရှင်များ ထပ်မံပေါ်ထွက်လာရန် မျှော်လင့်ကြောင်း ပြောကြားခဲ့သည်။
The Guardian
Leave a Reply
You must be logged in to post a comment.