News @ M-Media

ဟောင်ကောင် ဆန္ဒပြသူများအား မျက်နှာဖုံးစွပ် လူအုပ်စုက ၀င်ရောက်နှောက်ယှက်

အောက်တိုဘာ ၁၄ ၊ ၂၀၁၄
M-Media
2014101363514787734_20
– ဒီမိုကရက်တစ် ပြုပြင်ပြောင်းလဲရေးအတွက် ဟောင်ကောင်မြို့ရှိ အဓိကနေရာများတွင် ဆန္ဒပြသူနေသူများအား မျက်နှာဖုံးစွပ်ထားသော လူအုပ်စုကာ ၀င်ရောက်တိုက်ခိုက်မှု ဖြစ်ပွားခဲ့ပြီး ရဲတပ်ဖွဲ့က ထိန်းသိမ်းခဲ့ရသည်ဟု သိရသည်။

ယနေ့နံနက်က ဖြစ်ပွားခဲ့ခြင်းဖြစ်ပြီး ဟောင်ကောင်မြို့လယ်ကောင် အဓိကလမ်းမပေါ်ရှိ ဆန္ဒပြသူများ ပြုလုပ်ထားသော အဆီးအတားများရှေ့တွင် လူလတ်ပိုင်းအရွယ်ရှိသည့် မျက်နှာဖုံးစွပ်ထားသူ ရာပေါင်းများစွာက စုရုံးကာ “လမ်းဖွင့်ပေး” ဟု လည်းကောင်း “ဆန္ဒပြမှုမှာ တရားမ၀င်” ဟုလည်းကောင်း ဟစ်အော်ခဲ့ကြသည်။

ထို့ပြင် ဆန္ဒပြသူများတည်ရှိရာ Admiralty နေရာတွင်လည်း အဆိုပါ မျက်နှာဖုံးစွပ် လူအုပ်စုက အဆီးအတားများကို ဖြတ်ကျော်ကာ ဆန္ဒပြသူလူစုအတွင်းသို့ ၀င်ရောက်ခဲ့ကြပြီး ထိုးကြိတ်မှုများ ဖြစ်ပွားခဲ့သည်။

တက္ကဆီမောင်းသမားများကလည်း လမ်းပိတ်မှုများကို မကျေနပ်သည့်အတွက် အချို့နေရာများတွင် မျက်နှာဖုံးစွပ်လူများနှင့် ပူးပေါင်းပါဝင်ခဲ့ကြပြီး ဆန္ဒပြသူများအား တိုက်ခိုက်ရန် ကြိုစားကြသည့် လူအချို့ကို ရဲတပ်ဖွဲ့က ထိန်းသိမ်းခဲ့သည်။

Al Jazeera and agencies

Comments

Leave a Reply