အောက်တိုဘာ ၂၀ ၊ ၂၀၁၄
M-Media
– အင်ဒိုနီးရှားနိုင်ငံ၏ သာမန်ပြည်သူထဲမှ ပထမဆုံးရွေးကောက်တင်မြှောက်ခံရသော သမ္မသစ် ဂျိုကို ၀ီဒိုဒိုမှာ ယနေ့တွင် သမ္မတသစ်အဖြစ် ကျမ်းသစ္စာကျိန်ဆိုခဲ့သည်ဟု သိရသည်။
အဆိုပါ ကျမ်းသစ္စာကျိန်ဆိုပွဲကို မြို့တော်ဂျကာတာရှိ ပါလီမန်တွင် ကျင်းပပြုလုပ်ခဲ့ခြင်းဖြစ်ပြီး ဒေသတွင်းခေါင်းဆောင်များနှင့် အမေရိကန်နိုင်ငံခြားရေးဝန်ကြီး ဂျွန်ကယ်ရီတို့ တက်ရောက်ခဲ့ကြသည်။
“ကျွန်တော်တို့တွေ ရင်ချင်းအပ်ပြီး လက်ချင်းတွဲထားကြဖို့ အချိန်ပါပဲ။ ပြီးတော့ အင်ဒိုနီးရှားဟာ နိုင်ငံရေးအချုပ်အချာ၊ စီးပွားရေးလွတ်လပ်မှုနဲ့ ယဉ်ကျေးမှုဆိုင်ရာ ထူးခြားတဲ့လက္ခဏာတွေရှိတဲ့ နိုင်ငံအဖြစ် ရောက်ရှိဖို့၊ နားလည်သဘောပေါက်ဖို့ အချိန်လည်းဖြစ်ပါတယ်” ဟု ၀ီဒိုဒိုက ကျမ်းသစ္စာကျိန်ဆိုပြီးနောက် ပြောကြားခဲ့သည်။
ဂျကာတာမြို့လမ်းပေါ်တွင် ပြည်သူထောင်းပေါင်းများစွာကလည်း ဆိုင်းဘုတ်များ အင်ဒိုနီးရှားအလံများ ကိုင်ဆောင်ကာ အောင်ပွဲခံခဲ့ကြသည်။
ယခင်က ပရိဘောဂပစ္စည်းများ ရောင်းချသူ အသက် ၅၃ နှစ်အရွယ် ၀ီဒိုဒိုမှာ နိုင်ငံရေး၊ စီးပွားရေးနှင့် စစ်တပ်အသိုင်းအ၀ိုင်းတို့မှမဟုတ်ဘဲ သာမန်ပြည်သူများထဲမှ အင်ဒိုးနီးရှားနိုင်ငံတွင် ပထမဆုံး သမ္မတဖြစ်လာသူလည်းဖြစ်သည်။
သမ္မတမဖြစ်ခင် ၀ီဒိုဒိုမှာ ဂျကာတာအုပ်ချုပ်ရေးမှူးအဖြစ် တာဝန်ထမ်းဆောင်ခဲ့ပြီး ယခုနှစ် ဇူလိုင်လတွင်ပြုလုပ်ခဲ့သော ရွေးကောက်ပွဲ၌ မဲအရေအတွက် ၅၃ ရာခိုင်နှုန်းဖြင့် အနိုင်ရရှိခဲ့သည်။ သမ္မတသစ် ၀ီဒိုဒို ရင်ဆိုင်ရမည့် အဓိကစိန်ခေါ်မှုများမှာ နိုင်ငံ၏ စီးပွားရေးကျဆင်းမှုနှင့် သထေားတင်းမာသော အတိုက်အခံများနှင့် အလုပ်တွဲလုပ်ရေး တို့ဖြစ်သည်။
Leave a Reply
You must be logged in to post a comment.