News @ M-Media

စီအိုင်အေ၏ စစ်ဆေးမှုများ လူမဆန်ဟု ဆီးနိတ်လွှတ်တော်ပြော

ဒီဇင်ဘာ ၁၀ ၊ ၂၀၁၄
M-Media

US GUANTANAMO CAMP X-RAY FILER
– စက်တင်ဘာ ၁၁ တိုက်ခိုက်မှုအလွန် အကြမ်းဖက်မှုအတွက် သံသယူရှိသူများအား စစ်ကြောမေးမြန်းရာတွင် စီအိုင်အေမှ အသုံးပြုခဲ့သော ကြမ်းတမ်းသည့် နည်းလမ်းများနှင့် ပတ်သက်၍ ဆီးနိတ်လွတ်တော်က ရှုတ်ချလိုက်ပြီး အလွန်ဆိုးရွားသော လူမဆန်သော လုပ်ရပ်များဖြစ်သည်ဟု ပြောကြားခဲ့သည်။

၂၀၀၁ခုနှစ်မှ ၂၀၀၉ ခုနှစ်အတွင်း သံသယရှိသူ ၁၀၀ နီးပါးကို ထိန်းသိမ်းရေးစခန်းများတွင် စီအိုင်အေက စစ်ကြောမှုနှင့်ပတ်သက်၍ စာမျက်နှာ ၄၈၀ ပါသော အစီရင်ခံစာတစ်စောင်ကို ယမန်နေ့က ထုတ်ပြန်မှုအတွင်း ဆီးနိတ်က ယခုကဲ့သို့ ပြောကြားလိုက်ခြင်းဖြစ်သည်။

ဆီးနိတ်ထောက်လှမ်းရေး ကော်မတီ ဥက္ကထ ဒီအိန်း ဖိုင်စတိုင်းကမူ စီအိုင်အေက အသုံးပြုခဲ့သော နည်းလမ်းများမှာ ပြည်သူများ ယုံကြည်ထားသည်ထက်ပင် လူမဆန်ခဲ့ကြောင်း၊ ထိန်းသိမ်းထားသူများထဲမှ သတင်းအချက်အလက်များ ရရှိရန်အတွက် နိုင့်ထက်စီးနင်းပြုခဲ့ကြောင်း ပြောကြားခဲ့သည်။

ပြည်သူများအတွက် ယခုထုတ်ပြန်ခဲ့သော အစီရင်ခံစာမှာ အကျဉ်းချုပ်ဖြစ်ပြီး စီအိုင်အေ၏ လုပ်ရပ်များကို ဖော်ပြထားသော အစီရင်ခံစာအပြည့်အစုံမှာ စာမျက်နှာ ၆၂၀၀ ရှိကာ လျှို့ဝှက်ထားရှိသည်ဟု သိရသည်။

အလုပ်မဖြစ်

စီအိုင်အေက ထိုကဲ့သို့ အကြမ်းနည်းသုံးကာ စစ်ကြောမေးမြန်းမှုများ ပြုလုပ်ခဲ့သော်လည်း ရရှိခဲ့သည့် သတင်းအချက်အလက်များမှာ မှန်ကန်ခြင်းမရှိဘဲ အလ်ကိုင်းဒါးက အာဖရိကန်-အမေရိကန်များကို သိမ်းသွင်းနေသည်ဟူသော လုပ်ကြံဇာတ်လမ်းများပင် ပါဝင်ခဲ့ကြောင်း၊  ထိုကဲ့သို့ စစ်ကြောမှုမှာ ထိရောက်မှုမရှိခဲ့ဘဲ အကြမ်းဖက်ခြိမ်းခြောက်မှု တုံ့ပြန်ရေးအစီအစဉ်ကို ပျက်ပြားစေကြောင်း အဆိုပါ အစီရင်ခံစာတွင် ဖော်ပြထားသည်။

ထို့ပြင် စီအိုင်အေမှာ ပြည်သူများ၊ အကြမ်းဖက်မှုတုံ့ပြန်ရေးနှင့်ပတ်သက်၍ ပေါ်လစီချမှတ်သူများကိုလည်း လမ်းမှာစေခဲ့ကြောင်း ထည့်သွင်းဖော်ပြထားသည်။

စီအိုင်အေ၏ လုပ်ရပ်များအတွက် ဆီးနိတ်ထောက်လှမ်းရေး ကော်မတီမှာ ငါးနှစ်တာ စုံစမ်းစစ်ဆေးမှုများ ပြုလုပ်ခဲ့ပြီးနောက် အဆိုပါ အစီရင်ခံစာကို ထုတ်ပြန်ခဲ့ခြင်းဖြစ်ပြီး စီအိုင်အေကမူ ၎င်းတို့၏ ကြမ်းတမ်းသော စစ်ကြောရေးနည်းစနစ်မှာ အလုပ်ဖြစ်ကာ အကြမ်းဖက်များ၏ အကြံအစည်များကို ပျက်ပြားစေခဲ့ကြောင်း ကာကွယ်ပြောကြားခဲ့သည်။

Al Jazeera and agencies

Comments

Leave a Reply