ဒီဇင်ဘာ ၁၉ ၊ ၂၀၁၄
M-Media
– သြစတြေးလျမြောက်ပိုင်း ကွင်းစ်လန်းပြည်နယ်ရှိ နေအိမ်တစ်ခုတွင် ကလေးငယ် ၈ ဦး သေဆုံးလျက်ရှိနေသည်ကို တွေ့ရှိခဲ့ရသည်ဟု သိရသည်။
ကာအာန်ဒေသရှိ နေအိမ်တခုတွင် အမျိုးသမီးတစ်ဦး ဒဏ်ရာရရှိနေသည်ဟု ပတ်ဝန်းကျင်က ယနေ့ မွန်းလွဲပိုင်းတွင် ရဲတပ်ဖွဲ့အား အကြောင်းကြားရာမှ သွားရောက်ကြည့်ရှုခဲ့ရာတွင် ထိုကဲ့သို့ တွေ့ရှိခဲ့ရခြင်းဖြစ်ပြီး သေဆုံးသူကလေးများမှာ အသက် ၁၈ လမှ ၁၅ နှစ် အရွယ်ရှိကြသည်ဟု ရဲတပ်ဖွဲ့က ပြောကြားခဲ့သည်။ ဒဏ်ရာရနေသည့် အမျိုးသမီးကိုမူ ဆေးကုသမှုများပြလုပ်နေကာ စုံစမ်းစစ်ဆေးရန်အတွက် ဆောင်ရွက်နေသည်။
ထိုအမျိုးသမီး၏ ၀မ်းကွဲတစ်ဦးကမူ သေဆုံးသွားသော အဆိုပါကလေးများမှာ မွေးချင်းများဖြစ်ကြပြီး ဒဏ်ရာရသူအမျိုးသမီးမှာ ၎င်းတို့၏ မိခင်ဖြစ်သည်ဟု ဆိုသည်။
`သူ့ရဲ့အသက်က ၃၈ နှစ်ရှိပါပြီ။ အကြောင်းအရာတွေကိုပြောဖို့ အရမ်းစောနေပါသေးတယ်။ သူဟာအခု တည်ငြိမ်နေတဲ့အနေအထားမှာ ရှိနေပါတယ်။ ယခုအချိန်အထိတော့ ပြည်သူတွေက ဒါနဲ့ပတ်သက်ပြီး စိုးရိမ်ဖို့ မလိုပါဘူး´ ဟု စုံထောက်တစ်ဦးဖြစ်သူ ဘရူနို အက်စ်နီကာက ပြောကြားခဲ့သည်။
ထိုမှုခင်းဖြစ်ပွားသည့်နေရာမှာ ၀င်ငွေနည်းပါးသောသူများနေထိုင်ရာ ဒေသဖြစ်ပြီး အက်စ်နီကာကမူ အခြေအနေကို ကောင်းမွန်စွာ ထိန်းချုပ်ထားပြီး မည်သူမှ စိုးရိမ်ဖို့မလိုကြောင်း၊ ယခုလက်ရှိတွင် စုံစမ်းစစ်ဆေးနေပြီး အသေးစိတ်ကို ထုတ်ပြန်သွားမည်ဖြစ်ကြောင်း ထပ်လောင်းပြောကြားခဲ့သည်။
Leave a Reply
You must be logged in to post a comment.