News @ M-Media

ပျောက်ဆုံး Air Asia လေယာဉ်၏ Black Box မှ အချက်ပြမှုကို ဖမ်းယူရရှိပြီ

ဇန်န၀ါရီ ၉၊ ၂၀၁၅
M-Media

tail
QZ8501 လေယာဉ်၏ အမြီးပိုင်း

 

– ဂျာဗားပင်လယ်အတွင်း ပျက်ကျသွားခဲ့သည့် Air Asia လေယာဉ် QZ8501 ၏ Black Box မှ အချက်ပြမှုကို ဖမ်းယူရရှိပြီဟု အင်ဒိုနီးရှား ရှာဖွေရေးအဖွဲ့က ပြောကြားလိုက်သည်။

ပြီးခဲ့သည့် ဗုဒ္ဓဟူးနေ့က လေယာဉ်၏ အမြီးပိုင်းကို ရှာဖွေတွေ့ရှိခဲ့ပြီးနောက် ယခုကဲ့သို့ အချက်ပြမှုအား ဖမ်းယူရရှိခဲ့ခြင်း ဖြစ်သည်။ သို့သော်လည်း အင်ဒိုနီးရှား အမျိုသား သယ်ယူပို့ဆောင်ရေး ဘေးအန္တရာယ်ကင်းရှင်းမှု ကော်မတီမှ ဆန်တိုဆို ဆာယိုဂိုကမူ Black Box မှာ အမြီးပိုင်းတွင် ရှိမနေဟု ပြောကြားခဲ့သည်။

`အချက်ပြမှုကို ဖမ်းယူရရှိပြီလို့ ရှာဖွေရေးနေရာက နောက်ဆုံးသတင်း ရရှိပါတယ်။ ဒါဟာ Black Box ဖြစ်ပါစေလို့ ကျွန်တော်တို့ ဆုတောင်းနေပါတယ်။ ရေငုပ်သမားတွေက ဒါကို အတည်ပြုဖို့ လိုပါတယ်။ ကံမကောင်း အကြောင်းမလှစွာနဲ့ပဲ ဒီ Black Box ဟာ အမြီးပိုင်းမှာ ရှိမနေတဲ့ ပုံပါပဲ´ ဟု ၎င်းက ထပ်လောင်းပြောကြားခဲ့သည်။

အဆိုပါအမြီးပိုင်းမှာ လေယာဉ် အဆက်အသွယ်ပြတ်တောက်သွားသည့် နေရာမှ ကီလိုမီတာ ၃၀ အကွာ ပင်လယ်ကြမ်းပြင်အောက်တွင် တွေ့ရှိခဲ့ရခြင်းဖြစ်ပြီး ရေအနက်မှာ မီတာ ၃၀ ခန့် ရှိနေသည်။

`ဒီနေ့လုပ်ငန်းအတွက်တော့ အမြီးပိုင်းကို မတင်ဖို့အတွင် လိုအပ်တဲ့ ဘောလုံးတွေသယ်ဖို့ ရဟတ်ယာဉ်ကို အသုံးပြုသွားမှာပါ´ ဟု ဆယ်ယူရေးလုပ်ငန်းများတွင် ပါဝင်ဆောင်ရွက်နေသူ အင်ဒိုနီးရှားစစ်တပ်မှ အရာရှိတစ်ဦးက ပြောကြားခဲ့သည်။

လေယာဉ်မှာ ရာသီဥတုကြောင့် ပျက်ကျသွားခဲ့ခြင်းဖြစ်သည်ဟု အကြမ်းဖျင်း ယူဆထားသော်လည်း လေယာဉ် ဦးပိုင်းအတွင်း ဖြစ်စဉ်များကို မှတ်တမ်းတင်ထားသော Black Box ကို ရှာဖွေတွေ့ရှိမှသာ ပျက်ကျရသည့် အကြောင်းအရင်းအမှန်ကို သိရှိမည်ဖြစ်သည်။

ဒီဇင်ဘာ ၂၈ ရက်နေ့က အင်ဒိုနီးရှား၏ ဒုတိယအကြီးဆုံးမြို့တော် ဆူရာဘာယာမှ စင်ကာပူသို့အသွား ပျက်ကျသွားခဲ့သည့် အဆိုပါလေယာဉ်တွင် ခရီးသည်နှင့် လေယာဉ်မှုထမ်း စုစုပေါင်း ၁၆၂ ဦး လိုက်ပါသွားခဲ့ပြီး မည်သူမှ အသက်ရှင်ကျန်ရစ်ဖွယ် မရှိချေ။

Ref : aljazeera, abc

Comments

Leave a Reply