News @ M-Media

၂၀၀၃ က ပျောက်သွားသည့် အာကသယာဉ် အင်္ဂါဂြိုဟ်ပေါ်တွင် ပြန်တွေ့

ဇန်န၀ါရီ ၂၁၊ ၂၀၁၅
M-Media

be 2

– ဆယ်စုနှစ်တစ်ခုကျော်ကြာ ပျောက်ဆုံးသွားခဲ့သည့် ယူကေမှ အာကသယာဉ်ငယ်တစ်ခုကို အင်္ဂါဂြိုဟ်ပေါ်တွင် ပြန်လည်တွေ့ရှိခဲ့သည် ဟု ယူကေ အာကသအေဂျင်စီက ဇန်န၀ါရီ ၁၆ ရက် သောကြာနေ့တွင် ပြောကြားလိုက်သည်။

Beagle 2 ဟု အမည်ရသည့် အဆိုပါ ဂြိုဟ်ဆင်းယာဉ်ငယ်အား နာဆာ၏ အင်္ဂါဂြိုဟ်ပတ်ယာဉ် MRO က ဓာတ်ပုံရိုက်ယူနိုင်ခဲ့ခြင်းဖြစ်ပြီး၊ အဆိုပါ ဓာတ်ပုံတွင် Beagle 2 ယာဉ်ငယ်၊ ထိုယာဉ်ငယ်မှ လေထီးနှင့် အနောက် ကာဗာတို့ကို တွေ့ရှိခဲ့ရသည်။

ယူကေမှ လွှတ်တင်ခဲ့သည့်အဆိုပါ ဂြိုဟ်ဆင်းယာဉ်ငယ်မှာ အင်္ဂါဂြိုဟ်ပေါ်သို့ဆင်းသက်စဉ် ၂၀၀၃ ခုနှစ် ဒီဇင်ဘာ ၂၆ ရက်နေ့က ပျောက်ဆုံးသွားခြင်းဖြစ်သည်။ ထိုသို့ ပျောက်ဆုံးသွားခြင်းကြောင့် ဂြိုဟ်ပေါ်သို့ဆင်းသက်ခြင်းလုပ်ငန်းမှာ အောင်မြင်မှု ရှိ၊ မရှိ
ထိုစဉ်က မသိခဲ့ရသော်လည်း ယခုဓာတ်ပုံတွင် တွေ့ရသည့် အနေအထားအရ အင်္ဂါဂြိုဟ်ပေါ်သို့ဆင်းသက်သည့် လုပ်ငန်းမှာ အောင်မြင်သည်ကို တွေ့ရှိခဲ့ရသည်။

သို့သော်လည်း ထိုယာဉ်ငယ်အား ပြန်လည်ဆက်သွယ်ရန်နှင့် ထိုယာဉ်ငယ်မှ အချက်အလက်များကို ပြန်လည်ရယူရန်မှာ မဖြစ်နိုင်တော့ဟု သိပ္ပံပညာရှင်များက ပြောကြားခဲ့သည်။

အိတ်ဆောင်နာရီပုံစံ ဒီဇိုင်းထွင်ထားသော အဆိုပါ Beagle 2 ဂြိုဟ်ဆင်းယာဉ်ငယ်မှာ အင်္ဂါဂြိုဟ်ပေါ်တွင် သက်ရှိများ ရှိ၊ မရှိ ရှာဖွေစူးစမ်းရန်အတွက် လွှတ်တင်ခဲ့ခြင်းဖြစ်သည်။

ထိုယာဉ်ငယ်ကို ၂၀၀၃ ခုနှစ်အတွင်းက ရုရှားရှိ အာကာသစခန်းတစ်ခုမှ လွှတ်တင်ခဲ့ခြင်းဖြစ်ပြီး အခြားဂြိုဟ်သို့ သွားရောက်ရန်အတွက် ဥရောပမှ ပထမဆုံးလွှတ်တင်သည့် ယာဉ်ငယ်လည်း ဖြစ်သည်။

Ref: channelnewsasia

Comments

Leave a Reply