ထိုင်ဝမ်လေကြောင်းလိုင်း TransAsia လေယာဉ်ပျံသန်းမှုများ ထပ်မံ ဖျက်သိမ်းမည်

ဖေဖော်ဝါရီ ၈၊ ၂၀၁၅
M-Media

– ခရီးသည်တင်လေယာဉ်တစ်စင်း ထိုင်ပေမြစ်ထဲသို့ ထိုးကျခဲ့ပြီးနောက် ပြီးခဲ့သည့် ရက်ပိုင်းအတွင်း လေယာဉ်ခရီးစဉ်များကို ဖျက်သိမ်းခဲ့သည့် ထိုင်ဝမ်လေကြောင်းလိုင်း TransAsia က လာမည့် သီတင်းပတ်တွင်လည်း ခရီးစဉ် ၅၀ ကျော်ကို ဖျက်သိမ်းမည်ဟု ယနေ့တွင် ကြေညာခဲ့သည်။

အဆိုပါလေကြောင်းလိုင်းမှ ATR 72-600 လေယာဉ်မှာ ဖေဖော်ဝါရီ ၄ ရက်နေ့တွင် ခရီးသည် ၅၈ ဦးကို တင်ဆောင်ကာ ပြည်တွင်းခရီးစဉ်ပျံသန်းစဉ် ထိုင်ပေမြစ်ထဲသို့ ထိုးကျခဲ့ခြင်းဖြစ်ပြီး ခရီးသည် ၁၅ ဦး အသက်ရှင်ခဲ့ကာ ယခုအချိန်အထိ ရုပ်အလောင်း ၄၀ ကို ဆယ်ယူရရှိထားသည်။

အဆိုပါ လေယာဉ်၏ Black Box မှတ်တမ်းများကို စစ်ဆေးသည့်အခါတွင် အသစ်နီးပါးရှိနေသည့် ထိုလေယာဉ်၏ အင်ဂျင်မှာ လေပေါ်ပျံတက်ပြီးနောက် လုံလောက်သော တွန်းကန်အားကို ပေးနိုင်ခြင်းမရှိဘဲ၊ အင်ဂျင်တစ်လုံးမှာ ရပ်သွားခဲ့ပြီး ပြန်လည်နှိုးခဲ့ရသောကြောင့် အရှိန်ကျကာ ပျက်ကျခဲ့ခြင်းဖြစ်သည်ကို တွေ့ခဲ့ရသည်။

ထို့ကြောင့် TransAsia လေကြောင်းလိုင်းက ပြီးခဲ့သည့် ရက်ပိုင်းအတွင်း လေယာဉ်ခရီးစဉ် ၉၀ ကို ဖျက်သိမ်းခဲ့ကာ ထိုင်ဝမ် အရပ်ဘက်လေကြောင်း တာဝန်ရှိသူများကလည်း အဆိုပါ လေကြောင်းလိုင်းမှ လေယာဉ်မှူးများ၏ ကျွမ်းကျင်မှုကို ပြန်လည်စစ်ဆေးရန်နှင့် သင်တန်းများပေးရန်အတွက် စီစဉ်ခဲ့သည်။ ထို့ပြင် လာမည့်သီတင်းပတ်တွင်လည်း လေကြောင်းခရီးစဉ်များ ဖျက်သိမ်းမည်ဟု ဆိုသည်။

“ပြီးခဲ့တဲ့ ၃ ရက်မှာ ကျွန်တော်တို့ဟာ လေကြောင်းခရီးစဉ် ၉၀ ကို ဖျက်သိမ်းခဲ့ပါတယ်။ ပြီးတော့ လာမယ့် တနင်္လာနဲ့ အင်္ဂါနေ့တွေမှာလည်း နောက် ခရီးစဉ် ၅၂ ခုကို ဖျက်သိမ်းပါမယ်” ဟု လေကြောင်းလိုင်း ဒုတိယဥက္ကဌ အေမီ ချန်က ပြောကြားခဲ့သည်။

လေယာဉ်ပျက်ကျမှုတွင် လေယာဉ်မှူး ၂ ဦးစလုံ သေဆုံးခဲ့ပြီး အင်ဂျင်ပြဿနာဖြစ်စဉ် ထိုင်ပေမြို့တွင်းရှိ လူနေအဆောက်အဦးများအား မတိုက်မိအောင် စွမ်းဆောင်နိုင်ခဲ့သည့် လေယာဉ်မှူးကိုလည်း ချီးကျူးခဲ့ကြသည်။

Ref: channelnewsasia