မတ် ၁၊ ၂၀၁၅
M-Media
– ဟောလီးဝုဒ်မင်းသမီး လူပီတာညွန်အို၏ ကန်ဒေါ်လာ ၁၅၀၀၀၀ တန် အော်စကာပွဲတွက်ဝတ်စုံတွင် တပ်ဆင်ထားသော ပုလဲများမှာ အတုများဖြစ်နေသည်ကို တွေ့ရသောကြောင့် ထိုဝတ်စုံကိုခိုးသွားသည့် သူခိုးများက ပြန်ပေးခဲ့သည်ဟု နာမည်ကျော်များအကြောင်းကို ရေးသားနေသော TMZ.com တွင် ဖော်ပြထားသည်။
ပုလဲပေါင်း ၆၀၀၀ တပ်ဆင်ထားသည့် အဆိုပါဝတ်စုံကို လူပီတာမှာ ပြီးခဲ့သည့်တစ်ပတ် တနင်္ဂနွေနေ့က ပြုလုပ်ခဲ့သော အော်စကာဆုပေးပွဲတွင် ၀တ်ဆင်ခဲ့ခြင်းဖြစ်ပြီး အော်စကာဖက်ရှင်များတွင် လူကြိုက်များခဲ့သည်။ ထိုဝတ်စုံမှာ လော့စ်အိန်ဂျလိစ်ရှိ လူပီတာတည်းခိုသည့် ဟိုတယ်အခန်းမှ ဗုဒ္ဓဟူးနေ့တွင် ပျောက်သွားခဲ့ခြင်းဖြစ်သည်။
သို့သော်လည်း ထိုဝတ်စုံအား ခိုးသွားခဲ့သည့် သူခိုးများမှ ပုလဲနှစ်လုံးကို ဖြုတ်ကြည့်၍ လော့စ်အိန်ဂျလိစ် မြို့လယ်ကောင် ကျောက်မျက်ရတနာများရောင်းချသည့်နေရာသို့ သွားရောက်ပြသခဲ့ရာ အဆိုပါပုလဲများမှာ အစစ်မဟုတ်ဘဲ အတုဖြစ်နေသည်ကို တွေ့ရှိခဲ့ရသည်။
ထို့ကြောင့် သူခိုးများက အဆိုပါဝတ်စုံကို လော့စ်အိန်ဂျလိစ်ရှိ London West Hollywood ဟိုတယ်တွင် ပြန်ထားခဲ့ပြီး ၎င်းတို့မှာ ထိုဝတ်စုံကို ဟိုတယ်အိမ်သာခန်းထဲရှိ အမှိုက်ပုံးထဲတွင် အိတ်ဖြင့်ထုပ်ကာ ထားခဲ့သည်ဟု TMZ.com သို့ ပြောကြားခဲ့သည်။
ဝက်စ်ဟောလီးဝုဒ်ရှိ ရဲတပ်ဖွဲ့ကမူ ၎င်းတို့မှာ အဆိုပါသူခိုး မည်သူမည်ဝါဖြစ်ကြောင်းကို စုံစမ်းစစ်ဆေးမှုများ ပြုလုပ်နေသည်ဟု ပြောကြားခဲ့သည်။
Ref: Channelnewsasia
Leave a Reply
You must be logged in to post a comment.