ဇွန် ၁၃၊ ၂၀၁၅
M-Media
– အိန္ဒိယနိုင်ငံမြောက်ပိုင်း ပန်ဂျပ်ပြည်နယ်တွင် ယနေ့နံနက်ပိုင်းက ဓာတ်ငွေ့ယိုစိမ့်မှုကြောင့် အနည်းဆုံး လူ ၆ ဦး သေဆုံးခဲ့ပြီး ၁၀၀ ခန့်မှာ ဆေးရုံသို့ အရေးပေါ် တင်ပို့ခဲ့ရသည်ဟု သိရသည်။
လုဒ်ဟီယာနာမြို့ရှိ မိုးပျံကားလမ်းတစ်ခုအောက်တွင် အမိုးနီးယားဓာတ်ငွေ့တင်ဆောင်လာသည့် ကားတစ်စီးမှာ တိုက်မိပြီးနောက် ထိုကဲ့သို့ ဓာတ်ငွေ့ယိုစိမ့်ခဲ့ခြင်းဖြစ်ပြီး ထိုနေရာတစ်ဝိုက်ရှိ ဒေသခံများကို ဘေးလွတ်ရာသို့ ပြောင်းရွှေ့ပေးခဲ့ရသည်။
ဓာတ်ငွေ့ကြောင့် ဒေသခံအချို့မှာ မျက်လုံးများ နီမြန်းလားခြင်း၊ လျှာတွင် အရောင်ပျောက်သွားခြင်းတို့လည်း ဖြစ်ပေါ်ခဲ့သည်။ လူ ၁၀၀ ကျော်ကို အသက်ရှုလမ်းကြောင်းဆိုင်ရာ ပြဿနာကြောင့် ဆေးရုံသို့ ပို့ဆောင်ကုသခဲ့ရသည်။
အခင်းဖြစ်ပွားသည့်အချိန်တွင် အဆိုပါ ဓာတ်ငွေ့ကားမှာ မည်သည့်နေရာသို့ သွားသည်ကို မသိရှိရသေးဘဲ အိန္ဒိယအာဏာပိုင်များကမူ စုံစမ်းစစ်ဆေးမှုများကို ပြုလုပ်နေသည်။
Ref: Aljazeera
Leave a Reply
You must be logged in to post a comment.