သြဂုတ် ၁၊ ၂၀၁၅
M-Media
– မြန်မာနိုင်ငံတစ်ဝှမ်းမှာ ရေးဘေးဒဏ်ခံ ပြည်သူများအတွက် အရေးပေါ်ကူညီထောက်ပံ့ပေးမှုများ ပြုလုပ်နိုင်ရေး ရန်ကုန်မြို့အခြေစိုက် အရပ်ဘက်အဖွဲ့အစည်းတွေက စုပေါင်းပြီး “ရေဘေးအလှူခံ နှိုးဆော်လွှာ” တစ်ခုကို ထုတ်ပြန်လိုက်ပါတယ်။
ဇူလိုင် ၃၀ ရက်နေ့ ရက်စွဲနဲ့ ထုတ်ပြန်တဲ့ အဲဒီနှိုးဆော်လွှာမှာ ရေဘေးသင့်ပြည်သူများအတွက် ကျန်းမာရေးနဲ့သက်ဆိုင်တဲ့ ပစ္စည်းများ၊ ရိက္ခာ၊ အ၀တ်အထည်၊ သောက်ရေသန့်နဲ့ အခြား လိုအပ်နေသည်များကို ထောက်ပံ့သွားဖို့အတွက် အရပ်ဘက်အဖွဲ့အစည်းတွေက စီစဉ်နေပြီး စေတနာရှင်တွေအနေနဲ့ ပါဝင်လှူဒါန်းကြဖို့ ဖိတ်ခေါ်ထားပါတယ်။
အဲဒီအစီအစဉ်ကို ဘာသာပေါင်းစုံက အရပ်ဘက်အဖွဲ့အစည်း ၁၆ ဖွဲ့က ပူးပေါင်းလုပ်ဆောင်တာဖြစ်ပြီး တာမွေ၊ မင်္ဂလာတောင်ညွန့်၊ သင်္ကန်းကျွန်း၊ ဗိုလ်တစ်ထောင်၊ ဒေါပုံနဲ့ ပုဇွန်တောင်မြို့နယ်တွေမှာ အလှူခံဌာန ၇ ခုဖွင့်ပြီး ကောက်ခံလျက် ရှိနေပါတယ်။
ရေဘေးသင့်ဒေသများကို ၆.၈.၂၀၁၅ ရက်နေ့မှာ စတင်ပြီး သွားရောက်ကူညီပေးသွားမယ်လို့ အဲဒီနှိုးဆော်လွှာမှာ ဖော်ပြထားပါတယ်။
Leave a Reply
You must be logged in to post a comment.