News @ M-Media

သြစတေးလျနှင့် နယူးဇီလန်အခြေစိုက် ANZ ဘဏ် မြန်မာနိုင်ငံ၌ ဖွင့်တော့မည်

စက်တင်ဘာ ၃၀၊ ၂၀၁၅
M-Media

1438817535207

– သြစတေးလျနှင့် နယူးဇီလန် ဘဏ်လုပ်ငန်းအုပ်စု ANZ မှာ မြန်မာနိုင်ငံတော်ဗဟိုဘဏ်မှ လုပ်ငန်းလိုင်စင် ရရှိခဲ့ပြီး ရန်ကုန်မြို့၌ နိုဝင်ဘာ ၂ ရက်နေ့တွင် ဘဏ်ခွဲတစ်ခုကို ဖွင့်လှစ်တော့မည်ဟု သိရသည်။

အဆိုပါဘဏ်ခွဲအသစ်မှာ နိုင်ငံတကာနှင့် မြန်မာနိုင်ငံမှ ကုမ္ပဏီများကို ၀န်ဆောင်မှုပေးသွားမည်ဖြစ်ပြီး ANZ ဘဏ်ခွဲများ ဖွင့်လှစ်ထားသည့် နိုင်ငံများမှ မြန်မာနိုင်ငံအတွင်းသို ၀င်ရောက်ရင်းနှီးမြှုပ်နှံလိုသည့် နိုင်ငံတကာ ကုမ္ပဏီများကိုလည်း ၀န်ဆောင်မှု ပေးသွားမည်ဖြစ်သည်။

“သဘာဝ သယံဇာတ၊ ပြည်သူ့ဝန်ဆောင်လုပ်ငန်း၊ အခြေခံအဆောက်အဦး၊ တယ်လီဖုန်းဆက်သွယ်ရေး၊ စားသုံးကုန်ပစ္စည်းနဲ့ မြန်မာနိုင်ငံမှာ ချဲ့ထွင်နေတဲ့ အခြားသော ကမ္ဘာလုံးဆိုင်ရာ စီးပွားရေး လုပ်ငန်းတွေအတွက် ကျွန်ုပ်တို့ဟာ အထူးဘဏ်လုပ်ငန်းဝန်ဆောင်မှု ပေးသွားမှာပါ” ဟု ANZ မှ ထုတ်ပြန်သည့် ကြေညာချက်တွင် ဖော်ပြထားသည်။

ANZ ၏ နိုင်ငံတကာ ဘဏ်လုပ်ငန်းမှ အမှုဆောင်အကြီးအကဲ အန်ဒရူး ဂက်စ်ဇီက ထိုကဲ့သို့ ခွင့်ပြုချက်ရခဲ့ခြင်းမှာ ထိုင်းနိုင်ငံတွင် ဘဏ်ခွဲဖွင့်နိုင်ခဲ့ပြီးနောက် မဟာမဲခေါင်ဒေသတွင် မိမိတို့ကုမ္ပဏီ တည်ရှိမှုကို ပိုမိုခိုင်မာစေရန် အစီစဉ်၏ နောက်ဆုံးအဆင့်လည်းဖြစ်သည်ဟု ပြောကြားခဲ့သည်။

“ကျွန်တော်တို့ရဲ့ အင်အားနဲ့ မြန်မာနိုင်ငံမှာရှိနေတဲ့ သဘာဝသယံဇာတ၊ အခြေခံအဆောက်အဦး၊ စိုက်ပျိုးရေးလုပ်ငန်းတွေကို ဒီဒေသမှာ ထူးခြားတဲ့ တိုးတက်မှုအခွင့်အလမ်းတွေနဲ့အတူ ကမ္ဘာတစ်ဝှမ်းနဲ့ ချိတ်ဆက်ဖို့ ဆောင်ရွက်နိုင်ပါတယ်။ အာဆီယံဒေသအတွင်း စီးပွားရေး ပူးပေါင်းဆောင်ရွက်ခြင်းက ကုန်ထုတ်လုပ်မှု အဓိကနေရာအဖြစ် မြန်မာနိုင်ငံရဲ့ အခန်းကဏ္ဍကို တိုးတက်ဖို့ အကူအညီဖြစ်မယ်လို့
ကျွန်တော်တို့ မျှော်လင့်ပါတယ်” ဟု ဂက်စ်ဇီက ထပ်လောင်းပြောကြားခဲ့သည်။

Ref: Theaustralian

Comments

Leave a Reply