အောက်တိုဘာ ၂၁၊ ၂၀၁၅
M-Media
– ယနေ့မနက်က ကစားခဲ့သည့် ချန်ပီယံလိဂ်ပွဲတွင် ချယ်ဆီးရရှိမည့် ပင်နယ်တီကို မပေးခဲ့သည့်အတွက် ကွင်းလယ်ဒိုင်လူကြီး ဒါမီရ် စကိုမီနာကို မော်ရင်ဟိုက ပြင်တင်ပြောဆိုခဲ့ပြီး ရပ်ဘီကမ္ဘာ့ဖလားပွဲတွင် စကော့တလန်အသင်း ထွက်ခဲ့ရသည့်ဖြစ်ရပ်နှင့် နှိုင်းယှဉ်ပြောဆိုခဲ့သည်။
ယခုတစ်ပတ်တွင် ကစားခဲ့သည့် ရဘ်ဘီပြိုင်ပွဲ၌ စကော့တလန်နှင့် သြစတေးလျတို့၏ ပွဲတွင် ကွင်းလယ်ဒိုင်က မှားယွင်း၍ သြစတေးလျအသင်းကို ပင်နယ်တီ ပေးခဲ့သောကြောင့် စတော့တလန်မှာ ရှုံးနိမ့်ကာ ပြိုင်ပွဲမှ ထွက်ခဲ့ရသည်။
ဒိုနမိုကိဗ်အား ဂိုးမရှိ သရေကျခဲ့သည့် ယနေ့မနက် ချန်ပီယံလိဂ်တွင် ပထမပိုင်း၌ ချယ်ဆီးကွင်းလယ်လူ ဖာဘရီဂတ်စ်မှာ ဧရိယာအတွင်း ပြစ်ဒဏ်ကျူးလွန်ခံခဲ့ရပြီး ဒိုင်လူကြီးကမူ ပင်နယ်တီပေးရန် ငြင်းဆိုခဲ့သည်။
“ကျွန်တော်တို့ရဲ့ စွမ်းဆောင်ရည်ကတော့ ပြောစရာမရှိပါဘူး။ ပွဲကို ၇၅ မိနစ်လောက်အထိ ကျွန်တော်တို့ ထိန်းချုပ်နိုင်ခဲ့ပါတယ်။ ကန်သွင်းချက် တိုင်ထိထွက်ခဲ့တယ်။ ပင်နယ်တီတစ်လုံးလည်း ရသင့်ပါတယ်။ သိပ်ကို ရှင်းလင်းတဲ့ မြင်ကွင်းပါပဲ။ ဒိုင်လူကြီးက မမြင်ဘူးလားဆိုတာ ကျွန်တော် မသိသလို၊ သူမပေးချင်တာလားဆိုတာလည်း ကျွန်တော် မသိပါဘူး။ အမှားတစ်ခုက စတော့တလန် ရပ်ဘီအသင်းကို ပြိုင်ပွဲက ထွက်စေခဲ့ပါတယ်။ အမှားတစ်ခုကပဲ ကျွန်တော်တို့အတွက် ပေးဆပ်မှု ကြီးခဲ့ပါတယ်” ဟု မော်ရင်ဟိုက ပွဲအပြီးတွင် ပြောကြားခဲ့သည်။
Ref: Goal
Leave a Reply
You must be logged in to post a comment.