အောက်တိုဘာ ၂၂၊ ၂၀၁၅
M-Media
– စစ်ဘက်ဆိုင်ရာ လက်နက်ကိရိယာများဝယ်ယူရေးနှင့် ကူညီထောက်ပံ့ရေးအတွက် ယူရို ၂.၅ ဘီလီယံ (ကန်ဒေါ်လာ ၂.၈ ဘီလီယံ) တန်ဖိုးရှိသည့် သဘောတူညီချက်တစ်ခုကို ပြင်သစ်နှင့် ကူဝိတ်နိုင်ငံတို့ လက်မှတ်ရေးထိုးခဲ့သည်ဟု ပြင်သစ်အစိုးရက ယမန်နေ့တွင် ပြောကြားခဲ့သည်။
ထိုသဘောတူညီချက်တွင် Airbus လေယာဉ်များ ထုတ်လုပ်သော ကုမ္ပဏီမှ တည်ဆောက်သည့် Caracal တိုက်ပွဲဝင် ရဟတ်ယာဉ် ၂၄ စင်း ၀ယ်ယူရန်လည်း ပါဝင်သည်။ အဆိုပါရဟတ်ယာဉ်များမှာ ဒုံးကျည်ကာကွယ်ရေး ရေဒါစနစ်နှင့် ဝေဟင်မှ မြေပြင်ပစ်၊ ဝေဟင်မှ ရေပြင်ပစ် ဒုံးကျည်စနစ်များလည်း ပါဝင်သည်။
ဒေသတွင်း IS အကြမ်းဖက်အဖွဲ့ အားကောင်းလာခြင်းနှင့်အတူ ကူဝိတ်နိုင်ငံမှာ ၎င်းတို့၏ စစ်တပ်အား အဆင်မြှင့်တင်မှုများ ပြုလုပ်လျက် ရှိနေပြီး မကြာခင်ကပင် တိုက်ပွဲဝင် တိုင်ဖုန်း တိုက်လေယာဉ် ၂၈ စင်းကို Eurofighter ကုမ္ပဏီမှ ၀ယ်ယူရန် သဘောတူညီချက် ရရှိထားသည်။
Ref: Arabnews
Leave a Reply
You must be logged in to post a comment.