အောက်တိုဘာ ၂၇၊ ၂၀၁၅
M-Media
– တောင်တရုတ်ပင်လယ်အတွင်း ပိုင်နက်အငြင်းပွားနေသာ စပရက်တလေကျွန်းစုတွင် တရုတ်က ဆောက်လုပ်နေသည့် ကျွန်းတု၏ အလွန်နီးကပ်သည့် နေရာမှ အမေရိကန်ရေတပ် သင်္ဘောတစ်စီး ယနေ့မနက်စောစောပိုင်းက ဖြတ်သန်းသွားခဲ့ပြီး တရုတ်နိုင်ငံကမူ အမေရိကန်၏ ထိုလုပ်ရပ်က မိမိတို့အား ရန်စခြင်းသာဖြစ်သည်ဟု ပြောကြားခဲ့သည်။
ပဲ့ထိန်းဒုံးဖျက် USS Lassen စစ်သင်္ဘောဖြစ်ပြီး အိမ်ဖြူတော်က ထိုကဲ့သို့ ဖြတ်သန်းသွားရန် ခွင့်ပြုခဲ့ခြင်းဖြစ်သည်ဟု အမည်မဖော်လိုသည့် အမေရိကန်အစိုးရ တာဝန်ရှိသူတစ်ဦးက AP သတင်းဌာနသို့ ပြောကြားခဲ့သည်။
တရုတ်နိုင်ငံခြားရေးဝန်ကြီး ၀မ်ယီကမူ အဆိုပါ အမေရိကန် စစ်သင်္ဘောအနေဖြင့် ကျွန်းစုမှ ၁၂ မိုင်ဇုန်အတွင်း ၀င်ရောက်ခဲ့ခြင်း ရှိ၊ မရှိကို အတည်ပြုရန် ကြိုးစားနေသည်ဟု ပြောကြားခဲ့သည်။
“တကယ်အမှန်ဆိုရင်တော့ အမေရိကန်အနေနဲ့ အလုပ်မလုပ်ခင် ကြိုစဉ်းစားဖို့ ကျွန်တော်တို့ အကြံပေးလိုပါတယ်။ နမော်နမဲ့ ဒါမှမဟုတ် ဘာမဟုတ်တာအတွက် ပြဿနာရှာတာမျိုး မလုပ်ပါနဲ့”
Ref: Aljazeera
Leave a Reply
You must be logged in to post a comment.