News @ M-Media

တရုတ်-ဂျပန်-တောင်ကိုရီးယား ခေါင်းဆောင်များ ယနေ့တွင် တွေ့ဆုံ

နိုဝင်ဘာ ၁၊ ၂၀၁၅
M-Media

– ၃ နှစ်ကျော်အတွင်း ပထမဆုံးအကြိမ်အဖြစ် တောင်ကိုရီးယား၊ တရုတ်နှင့် ဂျပန်ခေါင်းဆောင်များမှာ ယနေ့တွင် ဆိုးလ်မြို့၌ တွေ့ဆုံခဲ့ကြပြီး လုံခြုံရေးနှင့် ကုန်သွယ်ရေး ကိစ္စများကို ဆွေးနွေးခဲ့ကြသည်ဟု သိရသည်။

မြောက်အာရှဒေသ စီးပွားရေးအကြီးဆုံး ၃ နိုင်ငံ၏ ထိုတွေ့ဆုံမှုအတွင်း သံတမန်ရေးနှင့် စီးပွားရေးတို့ ပိုမိုနီးကပ်စွာ ဆောင်ရွက်ရေးကို အဓိကထား ဆွေးနွေးခဲ့ကြပြီး၊ တရုတ်ဝန်ကြီးချုပ် လီကီကွီယန်းကမူ ဂျပန်၊ တောင်ကိုရီးယားတို့နှင့် ကုန်သွယ်ရေး တိုးမြှင့်ဆောင်ရွက်ခြင်းဖြင့် နိုင်ငံ၏ ကျဆင်းနေသော စီးပွားရေး ပြန်လည် ဦးမော့လာအောင် ဆောင်ရွက်ရန် စိတ်အားထက်သန်နေသည်။

ထို့ပြင် ၎င်းတို့၏ လုံခြုံရေးအား အဓိက ခြိမ်းခြောက်နေသော မြောက်ကိုရီးယားအရေးနှင့် ပတ်သက်၍လည်း ဆွေးနွေးခဲ့ကြသည်။

ဂျပန်နှင့် တရုတ်နိုင်ငံတို့မှာ ၂၀၁၂ ခုနှစ်တွင် အရှေ့တရုတ်ပင်လယ်ရှိ ပိုင်ဆိုင်မှုအငြင်းပွားနေသော ကျွန်းကိစ္စနှင့်ပတ်သက်၍ တင်းမာမှုများ ဖြစ်ပွားခဲ့ပြီးနောက်ပိုင်း တစ်ဖြည်းဖြည်းဖြင့် ဆက်ဆံရေးကို တိုးမြှင့်လာခဲ့သည်။

Ref: Aljazeera

Comments

Leave a Reply