နိုဝင်ဘာ ၁၀၊ ၂၀၁၅
M-Media
– ဂျော်ဒန်ရဲတပ်ဖွဲ့မှ ဗိုလ်ကြီးတစ်ဦးမှာ မြို့တော် အမ်နန်ရှိ ရဲတပ်ဖွဲ့ လေ့ကျင့်ရေးစခန်းတစ်ခုတွင် အမေရိကန်နှင့် တောင်အာဖရိကတို့မှ လေ့ကျင့်ရေးသင်တန်းဆရာ ၃ ဦးအား ယမန်နေ့က သေနတ်ဖြင့် ပစ်သတ်ခဲ့သည်ဟု သိရသည်။
အမေရိကန်မှ ၂ ဦးဖြစ်ပြီး ၎င်းတို့ ၃ ဦးစလုံးမှာ ဂျော်ဒန်ရဲတပ်ဖွဲ့အတွက် စာချုပ်နှင့် လာရောက် လေ့ကျင့်ပေးနေသူများ ဖြစ်သည်။ ထို့ပြင် ထိုပစ်ခတ်မှုအတွင်း ဂျော်ဒန် ရဲတပ်ဖွဲ့ဝင် ၂ ဦးလည်း သေဆုံးခဲ့သည်။ သေနတ်ဖြင့် ပစ်သူကို ၎င်း၏ လုပ်ဖော်ကိုင်ဖက်များက ပြန်လည် ပစ်သတ်ခဲ့သည်။
အမေရိကန်သမ္မတ ဘာရက်အိုဘားမားကမူ ထိုအဖြစ်အပျက်အတွက် ပြည့်ဝသည့် စုံစမ်းစစ်ဆေးမှုကို ပြုလုပ်သွားမည်ဖြစ်ပြီး အမေရိကန်မှာ ဂျော်ဒန်အစိုးရနှင့် အနီးကပ် ဆောင်ရွက်မှုများကို ပြုလုပ်နေသည်ဟု ပြောကြားခဲ့သည်။
Ref: Aljazeera
Leave a Reply
You must be logged in to post a comment.