ဂွာတီမာလာ အကျဉ်းထောင်အဓိကရုဏ်းတွင် အကျဉ်းသားများ ခေါင်းဖြတ်အသတ်ခံရ

ဒီဇင်ဘာ ၂၊ ၂၀၁၅
M-Media

– လူအလွန်များပြားနေသည့် ဂွာတီမာလာအကျဉ်းထောင်၌ လူဆိုးဂိုဏ်းများအကြား တိုက်ခိုက်မှုတွင် အနည်းဆုံး ၁၇ ဦး သေဆုံးပြီး ထိုအထဲတွင် ခုနစ်ယောက်ခန့် ခေါင်းဖြတ်ခံခဲ့ရဟု တာဝန်ရှိသူများက ပြောကြားခဲ့သည်။

အက်စ်ကွင်တလာခရိုင် လက်ထောက်တရားသူကြီးဖြစ်သူ ဗစ်တာမီဂျန်ဂိုစ် က ဂွာတီမာလာမြို့တော်၏ တောင်ဘက် ၇၀ ကီလိုမီတာအကွာ ကနေဒါ ပြန်လည်နေရာချထားရေးဌာန၌ မွန်းလွဲချိန်မတိုင်ခင် တိုက်ခိုက်မှုများ ဖြစ်ပွားခဲ့ခြင်းဖြစ်သည်ဟု တနင်္လာနေ့က ပြောကြားခဲ့သည်။

“အကုန်လုံး တောခုတ်ဓားတွေ၊ ဓားမြှောင်တွေနဲ့ အသတ်ခံထားရတာပါ” ဟု အကျဉ်းထောင်အတွင်းဝင်ရောက် ကြည့်ရှုခဲ့သူ မီဂျန်ဂိုစ်က ပြောကြားခဲ့သည်။ အလောင်း ၁၆ လောင်းကို တွေ့ခဲ့ရပြီး အခြားတစ်ဦးမှာ ဒဏ်ရာများဖြင့် ဆေးရုံ၌ သေဆုံးခဲ့သည်ဟု တာဝန်ရှိသူများက ဆိုသည်။

ထို့ပြင် စားပွဲတစ်လုံးပေါ်၌ အဖွဲ့ခေါင်းဆောင်များဟု ထင်ရသူ လူသုံးယောက်၏ ဦးခေါင်းများ တင်ထားသည်ကို တွေ့ရကြောင်း၊ သေနတ်ဒဏ်ရာဖြင့် သေဆုံးသူ တစ်ဦးမှမရှိကြောင်း မီဂျန်ဂိုစ်က ထည့်သွင်းပြောကြားခဲ့သည်။ အခြား အစိုးရအဖွဲ့ဝင်တစ်ဦးကမူ တိုက်ခိုက်မှုမှာ သေနတ်ပစ်ခတ်ခြင်းဖြင့် စတင်ခဲ့ခြင်းဖြစ်သည်ဟု အစောပိုင်းက ပြောကြားခဲ့သည်။

အကျဉ်းထောင် ပြောရေးဆိုခွင့်ရှိသူ ရူဒီအစ်ကွီဗလ်က အကျဉ်းထောင်မှာ အကျဉ်းသား ၆၀၀ ကိုသာ ထိန်းသိမ်းရန် ဆောက်လုပ်ထားခြင်း ဖြစ်သော်လည်း လက်ရှိတွင် အကျဉ်းသားများမှာ ၃၀၉၂ ယောက် ရှိနေသည်ဟု ပြောဆိုခဲ့သည်။ ၎င်းက ဆက်လက်၍ မီးသတ်သမားများသည် အလောင်း ၁၆ ခုကို အကျဉ်းထောင်မှ ဖယ်ရှားခဲ့ပြီး မည်သူမည်ဝါဖြစ်ကြောင်း စစ်ဆေးမှုများ ပြုလုပ်နေဆဲဟု ပြောခဲ့သည်။

အလ်ဂျဇီးရား၏ သတင်းထောက် ဒေးဗစ်မာဆာက ဂွာတီမာလာမှနေ၍ သတင်းပေးခဲ့သည်မှာ လူများ စုပြုံကြပ်ညပ်မှုသည် ပဋိပက္ခဖြစ်ပွားစေသည့် အခြေအနေသို့ဆိုက်ရောက်စေသည် ဟု ပြောကြားခဲ့သည်။

အလ်ဆာ ရိုဒရီဂက်စ်က သူမမှာ အသက် ၂၃ နှစ်ရှိသော သားဖြစ်သူ အစ်တူဝါဒို ဂရီဂိုရီယို ရိုဒရီဂက်ဇ်ကို နာရေးကူညီမှု ၀န်ထမ်းဖြစ်သူက ပြသောဓာတ်ပုံကိုကြည့်၍ မှတ်မိခဲ့သည်ဟု ပြောကြားခဲ့သည်။ သူမသည် ရေခဲတိုက်အပြင်တွင် သေဆုံးသူများကို ပြန်ယူရန် စောင့်ဆိုင်းနေကြသည့် မိသားစုများအနက်မှ တစ်ယောက်ဖြစ်သည်။

အစ်ကွီဗယ်က တိုက်ခိုက်မှုများသည် မာရာ ၁၈ အဖွဲ့ဝင်များ၊ မာရာဆလ် ဗာထရူချာဂိုဏ်းသားများနှင့် အဖွဲ့ဝင်မဟုတ်သော အကျဉ်းသားများအကြား မကျေနပ်မှုများ ပေါက်ကွဲခဲ့ခြင်း ဖြစ်နိုင်ကြောင်း ပြောကြားခဲ့သည်။

ရဲတပ်ဖွဲ့ဝင်နှစ်ထောင်ခန့်မှာ အကျဉ်းထောင်အတွင်းသို့ ထိန်းချုပ်မှုများပြန်လည်ရယူရန်နှင့် သက်သေခံများ စုဆောင်းရန် ၀င်ရောက်ခဲ့သည်။

မာရီလာရော့ဒ်ဆာသည် တနင်္ဂနွေနေ့တွင် သားဖြစ်သူကို ထောင်ဝင်စာလာတွေ့ခဲ့ပြီး သေနတ်ပစ်ခတ်မှုများသည် ညနေ ၃ နာရီခွဲဝန်းကျင်တွင် ဖြစ်ပေါ်ခဲ့ကြောင်း ပြောကြားခဲ့သည်။

‘ကျမသားက အမြန်ထွက်သွားခိုင်းပါတယ်၊ သူကို့ ဘာမှစိုးရိမ်စရာမရှိတဲ့အကြောင်းလည်း ပြောတယ်၊ ကျွန်မအထင် သူတို့ဒီကိစ္စကို သိပြီးဖြစ်ကြမယ်’ ဟု ရော့ဒ်ဆာက ပြောသည်။

‘ပြီးတော့ ကျွန်မတို့သေနတ်ပစ်သံတွေကြားပြီး အားလုံးထွက်ပြေးကြပါတယ်’

ဒါဇင်ပေါင်းများစွာသောမိသားစုဝင်များသည် သူတို့ဆွေမျိုးသားချင်းများအကြောင်းသိရရန် အကျဉ်းထောင်ပြင်ပတွင် တနင်္လာနေ့က စောင့်ဆိုင်းခဲ့ကြသည်။

Ref: Aljazeera