News @ M-Media

ပက်ရ်ှဝါရ် စာသင်ကျောင်း အကြမ်းဖက်မှုတွင် ပါဝင်သူ တာလီဘန်လေးဦးကို ပါကစ္စတန်က ကြိုးပေးကွပ်မျက်

ဒီဇင်ဘာ ၂၊ ၂၀၁၅
M-Mediaူ

– ပြီးခဲ့သည့်နှစ်အတွင်း ပက်ရ်ှဝါရ်မြို့၌ စစ်တပ်က ဖွင့်လှစ်ထားသော စာသင်ကျောင်းအတွင်းသို့ ၀င်ရောက်ပစ်ခတ်၍ ကလေးငယ် ၁၄၃ ဦးကို သတ်ဖြတ်မှုတွင် ပါဝင်သူ တာလီဘန် ၄ ဦးကို ပါကစ္စတန်က ယနေ့တွင် ကွပ်မျက်လိုက်သည်ဟု သိရသည်။

ကြိုးပေးကွပ်မျက်ခဲ့ခြင်းဖြစ်ပြီး ပါကစ္စတန် စစ်ဖက်ဆိုင်ရာတရားရုံးမှ အရပ်သားများအား ပထမဆုံးကွပ်မျက်မှုလည်း ဖြစ်သည်။ တိုက်ခိုက်မှုဖြစ်ပွားခဲ့ပြီးနောက် ပါကစ္စတန်မှာ ထိုကဲ့သို့ စစ်ဖက်က တရားစီရင်ခွင့်ရရန် ဖွဲ့စည်းပုံကို ပြင်ဆင်ခဲ့သည်။

ထိုကွပ်မျက်မှုကို ပါကစ္စတန်လုံခြုံရေး ရင်းမြစ်များကလည်း အတည်ပြုခဲ့ပြီး ၎င်းတို့လေးဦးစလုံးကို ယနေ့မနက်ပိုင်းတွင် ကိုဟတ်မြို့ရှိ အရပ်ဖက်က ကိုင်တွယ်သော ဗဟိုအကျဉ်းထောင်တွင် ကွပ်မျက်ခဲ့ခြင်းဖြစ်သည်။

၎င်းတို့ကို သြဂုတ်လ ၁၃ ရက်နေ့က စီရင်ချက် ချမှတ်ခဲ့ခြင်း ဖြစ်သည်ဟု ယခုသီတင်းပတ်အစောပိုင်းက ပါကစ္စတန်စစ်တပ်မှ ထုတ်ပြန်သော ကြေငြာချက်တွင် ဖော်ပြထားသည်။ အားလုံးက ၎င်းတို့မှာ ပါကစ္စတန်တာလီဘန်လက်အောက်ရှိ တိုဟီဒ်ဝါလ် ဂျီဟတ် ဂရုပ် TWG မှ အဖွဲ့ဝင်များဟု ပြောကြားခဲ့သည်။ ထိုအဖွဲ့ကို ယခင်က ကြားဖူးခြင်းမရှိချေ။

Ref: Alarabiya

Comments

Leave a Reply