အာဆင်နယ်၏ တိုက်ပွဲဝင်စိတ်ဓာတ်အား ၀င်းဂါးချီးကျူး

ဇန်န၀ါရီ ၄၊ ၂၀၁၅
M-Media

– နယူးကာဆယ်အား အနိုင်ရရှိခဲ့သည်ပွဲတွင် အသင်း၏ တိုက်ပွဲဝင်စိတ်ဓာတ်အား အာဆင်နယ်နည်းပြ အာဆင်ဝင်းဂါးက ချီးကျူးပြောဆိုလိုက်သည်။

စနေနေ့က ကစားခဲ့သည့် အဆိုပါပွဲတွင် အာဆင်နယ်မှာ အကြိတ်အနယ် ယှဉ်ပြိုင်ကစားခဲ့ရပြီး နောက်ခံလူ ကွန်စီယဲလ်နီ၏ တစ်လုံးတည်းသောဂိုးဖြင့် အနိုင်ရရှိခဲ့ကာ အမှတ်ပေးဇယားအား ၂ မှတ်အသာဖြင့် ဦးဆောင်နိုင်ခဲ့သည်။ ၀င်းဂါးကမူ အသင်းအတွက် ကျေနပ်နေသည်။

“ဒီလိုပွဲမျိုးဟာ အသင်းအတွက် စမ်းသပ်မှုတစ်ခုပါပဲ။ တိုက်ပွဲဝင်ရတယ်။ ဂိုးမပေးရအောင်၊ မပြာအောင် ကြိုးစားရပြီး အခွင့်အရေးကို စောင့်ရပါတယ်။ ကျွန်တော်တို့ရဲ့ ကစားပုံထက် ကျွန်တော်တို့ရဲ့ ရှုထောင့်ကို ပိုပြီး မေးခွန်းထုတ်ခံခဲ့ရပါတယ်။ တစ်ခါတစ်ရံမှာ ဒီလိုပွဲကို အနိုင်ရတာဟာ တော်တော်ကောင်းပါတယ်။ အတွေ့အကြုံတွေ၊ အရည်အသွေးနဲ့ အပြုအမူတွေကြောင့် ကျွန်တော့်မှာ ယုံကြည်ချက်ရှိပါတယ်။ အသင်းဟာ အမြဲတမ်း သြဇာရှိတယ်လို့ ကျွန်တော်ထင်ပါတယ်” ဟု ၀င်းဂါးက ပွဲအပြီးတွင် ပြောကြားခဲ့သည်။

ထိုပြင် ယခုအာဆင်နယ်အသင်းမှာ အီမရိတ်ကွင်းသို့ ပြောင်းရွှေ့လာပြီးနေက်ပိုင်း အတွေ့အကြုံအများဆုံး အသင်းဖြစ်နေသည်ဟု ထည့်သွင်းပြောကြားခဲ့သည်။

Ref: Goal