ပါကစ္စတန်ပြည်သူတွေရဲ့ အကြမ်းဖက်ဆန့်ကျင်ရေးစိတ်ဓာတ်ကို ပိုမိုခိုင်မာစေခဲ့တဲ့ ဘာချာခန်းတက္ကသိုလ် အကြမ်းဖက်မှု

ဇန်န၀ါရီ ၂၁၊ ၂၀၁၆
M-Media

– “အကြမ်းဖက်သမားတွေကို ကျွန်တော် ပြောချင်တာက – သူတို့ ဘယ်တော့မှ အောင်နိုင်မှာမဟုတ်ဘူး ဆိုတာပါပဲ။ သူတို့ရှုံးနိမ့်လိမ့်မယ်။ ကျွန်တော်တို့နိုင်မယ်။ ကျွန်တော်တို့ဟာ ငြိမ်းချမ်းရေးလမ်းစဉ်ကို လျှောက်လှမ်းနေသူတွေဖြစ်ပြီး အကြမ်းဖက်လမ်းစဉ်ကို လျှောက်လှမ်းနေကြသူတွေ မဟုတ်ပါဘူး”

ဒါကတော့ ဗုဒ္ဓဟူးနေ့က ပါကစ္စတန်နိုင်ငံ အနောက်မြောက်ပိုင်း ချာရ်ဆာဒါမြို့က ဘာချာခန်းတက္ကသိုလ်မှာ ဖြစ်ပွားခဲ့တဲ့ တာလီဘန်တို့ရဲ့ အကြမ်းဖက်တိုက်ခိုက်မှုအတွင်း သေဆုံးသွားခဲ့သူ တက္ကသိုလ်အကြီးအကဲ ဖာခါရ်-အီ-အလမ်ရဲ့ ဖခင် ရှားဟ်ဟူစိန်ရဲ့ ရင်ဖွင့်သံပဲဖြစ်ပါတယ်။

စစ်သွေးကြွတွေ ထကြွသောင်းကြမ်းနေတဲ့ ပက်ရ်ှဝါရ်မြို့နဲ့ မလှမ်းမကမ်းမှာရှိတဲ့ ချာရ်ဆာဒါက အဲဒီအဖြစ်အပျက်မှာ အပြစ်မဲ့ ပြည်သူ ၂၀ သေဆုံးခဲ့ပြီး အနည်းဆုံး ၅၀ လောက် ဒဏ်ရာရရှိခဲ့ပါတယ်။

အစိုးရကတော့ ဒီဇင်ဘာ ၂၁ ရက် ဒီနေ့ကို နိုင်ငံတော်ဝမ်းနည်းဖွယ်နေ့အဖြစ် ကြေငြာခဲ့ပြီး အစိုးရအဆောက်အဦး အားလုံးမှာလည်း ၀မ်းနည်းဖွယ်အထိမ်းအမှတ်အဖြစ် ပါကစ္စတန်နိုင်ငံတော်အလံကို တိုင်တစ်ဝက်သာ လွှင့်ထူထားခဲ့ပါတယ်။

ပါကစ္စတန်သမ္မတ နာဝဇ်ရှရစ်ဖ်ကတော့ ဒီကြမ်းကြုတ်တဲ့ လုပ်ရပ်ကို ပြင်းပြင်းထန်ထန် တုံ့ပြန်သွားမယ်လို့ ကတိပြုခဲ့ပြီး တိုက်ခိုက်မှုနောက်ကွယ်မှာရှိနေသူတွေကို ရေဆုံးမြေဆုံးလိုက်ကြဖို့လည်း လုံခြုံရေးတပ်ဖွဲ့တွေကို အမိန့်ပေးထားပါတယ်။

အဲဒီ အကြမ်းဖက်တိုက်ခိုက်မှုကို ကျူးလွန်ခဲ့တဲ့ တာလီဘန်အဖွဲ့ကတော့ လူမျိုးစုဒေသတွေမှာ သူတို့ကို ပါကစ္စတန်စစ်တပ်က ထိုးစစ်ဆင်မှုအတွက် လက်တုံ့ပြန်တာလို့ ပြောခဲ့ပါတယ်။

“စစ်သွေးကြွတွေက အဲဒီစာသင်ကျောင်းတွေကို ပိတ်ပစ်စေချင်ကြတယ်ဗျ။ ကျွန်တော်တို့ပေးချင်တဲ့ သတင်းစကားကတော့ ပညာရေးကို ဆက်လက်သင်ကြားသွားမယ်ဆိုတာပါပဲ” လို့ ပြည်နယ်ပညာရေးဝန်ကြီး အာရစ်ဖ်ခန်းက ပြောကြားခဲ့ပါတယ်။

အကြမ်းဖက်ခံရမှုအတွင်း သေဆုံးသွားသူ အများစုရဲ့ ဈာပနအခမ်းအနားတွေကိုတော့ မနေ့ကပဲ အစ္စလာမ့် ဓလေ့ထုံးတမ်းနဲ့အညီ ပြုလုပ်ခဲ့ပါတယ်။ ဒီနေ့မှာလည်း သေဆုံးတစ်ချို့ရဲ့ ဈာပနကို ကျင်းပခဲ့ကြပြီး တက္ကသိုလ်အကြီးအကဲ ဖာခါရ်-အီ-အလမ်ရဲ့ ဈာပနကိုတော့ လူပေါင်း ၁၀၀၀ ၀န်းကျင်လောက် တက်ရောက်ခဲ့ပါတယ်။

နောက်ပြီး မြို့တော်အစ္စလာမ်မာဘတ်အပါအ၀င် နိုင်ငံတစ်ဝှမ်းမှာလည်း သေဆုံးသွားသူတွေအတွက် ဆုတောင်းမှုတွေ ပြုလုပ်ခဲ့ကြပါတယ်။

“ပါကစ္စတန် မျိုးဆက်သစ်လူငယ်တွေဟာ အကြမ်းဖက်သမားတွေကို ဦးညွှတ်မှာ မဟုတ်ဘူးလို့ ကျွန်တော်တို့ သန္ဓိဌာန်ချထားပါတယ်” လို့ ပါကစ္စတန်အားကစားဘုတ်အဖွဲ့ (PSB) ရဲ့ ဒါရိုက်တာဖြစ်သူ အခ်တာရ် နာဝဇ်က ပြောကြားခဲ့ပါတယ်။ အစ္စလာမ်မာဘတ်မှာပြုလုပ်ခဲ့တဲ့ ဆုတောင်းပွဲမှာ PSB က အုပ်ချုပ်ရေး တာဝန်ရှိသူတွေနဲ့ အားကစားသမားတွေ စုစုပေါင်း ၂၀၀ ကျော်လောက် တက်ရောက်ခဲ့ပါတယ်။

၂၀၁၄ ခုနှစ် ဒီဇင်ဘာလအတွင်းကလည်း ပက်ရ်ှဝါရ်မြို့မှာ စစ်တပ်ကဖွင့်လှစ်ထားတဲ့ ပုဂ္ဂလိက စာသင်ကျောင်းကို တာလီဘန်တွေက ၀င်ရောက်ပစ်ခတ်မှုတစ်ခု ပြုလုပ်ခဲ့ပြီး ကျောင်းသားအများစုအပါအ၀င် စုစုပေါင်း လူ ၁၅၀ ကျော်လောက် သေဆုံးခဲ့ပါတယ်။

ပါကစ္စတန်လူ့အခွင့်အရေးကော်မရှင်ကတော့ ပါကစ္စတန်စစ်တပ်ရဲ့ စစ်ဆင်ရေးတွေကို ပြန်လည်သုံးသပ်ဖို့ ဒီနေ့မှာ တိုက်တွန်းလိုက်ပြီး အကြမ်းဖက်သမားတွေကို လေ့ကျင့်ပေးတဲ့ ဒါမှမဟုတ် ကူညီပေးတဲ့ အဖွဲ့တွေကို မရှင်းလင်းနိုင်သမျှတော့ အကြမ်းဖက်သမားတွေကို နှိမ်နင်းဖို့ဆိုတာ မဖြစ်နိုင်ဘူးလို့ သတိပေးပြောကြားခဲ့ပါတယ်။

ဘာချာတက္ကသိုလ်ဟာ ယခင်ကလည်း အကြမ်းဖက်သမားတွေရဲ့ အသေးစားတိုက်ခိုက်မှုတွေကို ခံခဲ့ရပြီး ပါကစ္စတန်ပြည်သူတွေကတော့ အစိုးရအနေနဲ့ သူတို့ကို ကာကွယ်မပေးနိုင်ဘူးဆိုရင် သူတို့ဟာသူတို့ ကာကွယ်မယ်လို့ ဖွင့်ဟခဲ့ပါတယ်။

“လူတော်တော်များများက သူတို့ရဲ့အိမ်တွေကိုပစ်ပြီး သူတို့ရဲ့ကိုယ်ပိုင်လက်နက်တွေနဲ့ အကြမ်းဖက်သမားတွေကို တိုက်ခိုက်ဖို့ အဆင်သင့်ရှိနေကြပါတယ်။ ကျွန်တော်အပါအ၀င်ပေါ့လေ” လို့ တိုက်ခိုက်မှုအတွင်း ယောက်ဖဖြစ်သူကို ဆုံးရှုံးလိုက်ရတဲ့ နာဆင်းမ် အခ်ဘာရ်က ပြောကြားခဲ့ပါတယ်။

Ref: Channelnewsasia, Aljazeera, PressTV