မြောက်ကိုရီးယားက ဒုံးကျည်များ ပင်လယ်ထဲသို့ ပစ်လွှတ်ပြန်

မတ် ၂၁၊ ၂၀၁၆
M-Media

– မြောက်ကိုရီးယားမှာ ယနေ့နေ့လည်ပိုင်းက တာတိုပစ် ဒုံးကျည် ၄ စင်းကို ဂျပန်ပင်လယ်ပြင်သုို့ ပစ်လွှတ်ခဲ့သည်ဟု တောင်ကိုရီးယား စစ်တပ်က ပြောကြားလိုက်သည်။

နိုင်ငံအရှေ့ပိုင်း ဟမ်ဟန်းမြို့အနီးမှ ဒေသစံတော်ချိန် ညနေ ၃ နာရီ မနစ် ၂၀ မတိုင်ခင် ပစ်လွှတ်ခဲ့ခြင်းဖြစ်ပြီး ကိုရီးယားကျွန်းစွယ်တွင် ရှိနေသော တင်းမာမှုများမှာ ဆက်လက် မြင့်တက်လာဖွယ်ရှိနေသည်။

ဇန်န၀ါရီ ၆ ရက်နေ့တွင် မြောက်ကိုရီးယားက စတုတ္ထအကြိမ်မြောက် နျူစမ်းသပ်မှု ပြုလုပ်ခဲ့ပြီး၊ သိပ်မကြာခင် တားမြစ်ထားသော ဒုံးကျည်ကို အသုံးပြု၍ ဂြိုဟ်တုတစ်ခု လွှတ်တင်မှုတို့ကြောင့် ကုလသမဂ္ဂ လုံခြုံရေးကောင်စီမှာ ယခုလအစောပိုင်းက မြောက်ကိုရီးယားအပေါ် ပိုမိုပြင်းထန်သည့် ပိတ်ဆို့မှုများ ပြုလုပ်ခဲ့သည်။

အမေရိကန်နှင့် တောင်ကိုရီးယားတို့ ပူးတွဲပြုလုပ်သော စစ်ရေးလေ့ကျင့်မှုကို မကျေနပ်သည့်အတွက် နျူလက်နက်ဖြင့် တိုက်ခိုက်မည်ဟု မြောက်ကိုရီးယားက မကြာသေးမီက ခြိမ်းခြောက်ထားခဲ့ပြီး နောက်ပိုင်းတွင် ဒုံးကျည်ပစ်လွှတ်မှုများ တရစပ် ပြုလုပ်လာခဲ့သည်။

Ref: Channelnewsasia