News @ M-Media

ရမ်ဇာန်ဥပုသ်လအတွင်း ယူအေအီးတွင် ကုန်ဈေးနှုန်း ထက်ဝက်လျော့မည်

ဧပြီ ၁၃၊ ၂၀၁၆
M-Media

UAE

– အာရပ်စော်ဘွားများပြည်ထောင်စု (ယူအေအီး) မှာ ၀ယ်လိုအားအများဆုံး ကုန်ပစ္စည်းတွေရဲ့ ဈေးနှုန်းတွေကို ယခုနှစ် ရမ်ဇာန်ဥပုဒ်လအတွင်း ၅၀ ရာခိုင်နှုန်းလောက် ဈေးချသွားမယ်လို့ ယူအေအီးရဲ့ စီးပွားရေးဝန်ကြီးဌာနရဲ့ ပြောကြားမှုကို ကိုးကားပြီး Arabian Business သတင်းဌာနက ယမန်နေ့မှာ ဖော်ပြခဲ့ပါတယ်။

ဝန်ကြီးဌာနက စားသုံးသူကာကွယ်ရေးဒါရိုက်တာ ဒေါက်တာ ဟာရှင်မ် အလ်-နူအိုက်မီက အခုလိုဆုံးဖြတ်ရတာဟာ လူထုအနေနဲ့ ဟင်းသီးဟင်းရွက်နဲ့ သစ်သီးသစ်နှံတွေလို အဓိကစားသောက်ကုန်တွေ မပြတ်တောက်ရအောင် ဖြစ်တယ်လို့ ဆိုပါတယ်။

၎င်းက ယူအေအီးရဲ့ လက်လီအရောင်းဆိုင်တွေဟာ ဥပုသ်လအတွက် လာမယ့်ရက်သတ္တပတ်အတွင်းမှာ လျှော့ဈေးနဲ့ ရောင်းချသွားဖို့ စီစဉ်နေတယ်လို့ ဆိုပါတယ်။ အရောင်းဆိုင်ကိုယ်စားလှယ်များနဲ့ တွေ့ဆုံစဉ် ဒေါက်တာနူအိုက်မီက ၂၀၁၄ ထက်စာလျှင် ပြီးခဲ့တဲ့နှစ် ဥပုသ်လအတွင်းမှာ ဈေးနှုန်း ၂၀ ရာခိုင်နှုန်းလောက် ပိုတက်သွားတာကို ထောက်ပြပြောဆိုခဲ့ပါတယ်။

တစ်လတာကြာမြင့်မယ့် အစ္စလာမ့်ဘာသာဝင်တို့ရဲ့ ရမ်ဇာန်ဥပုသ်လဟာ လာမယ့် ဇွန်လဆန်းပိုင်းမှာ ကျရောက်မှာဖြစ်ပါတယ်။

Ref: IINA

Comments

Leave a Reply