ဧပြီ ၁၆၊ ၂၀၁၆
M-Media
– ဂျာမနီကို ရှောက်ရှိလာတဲ့ ဒုက္ခသည်တွေထဲမှာ ပြီးခဲ့တဲ့နှစ်အတွင်း ကလေးငယ်နဲ့ ဆယ်ကျော်သက်လူငယ် ၆၀၀၀ နီးပါးလောက် ပျောက်ဆုံးနေတယ်လို့ သိရပါတယ်။
ပြည်ထဲရေးဝန်ကြီးဌာန ပြောဆိုခွင့်ရှိသူ ဂျိုဟန်နက်စ် ဒင်မ်ရော့သ်က ဒုက္ခသည်ကလေးငယ်နဲ့ ဆယ်ကျော်သက် ၅၈၃၅ ဦး ပျောက်ဆုံးနေတာကို အစိုးရက လွှတ်တော်ကို အကြောင်းကြားခဲ့တဲ့အကြောင်း အတည်ပြုပြောကြားခဲ့ပါတယ်။
“ပြည်နယ်အာဏာပိုင်တွေအနေနဲ့ ဒီကိစ္စတစ်ခုချင်းစီကို သေချာကိုင်တွယ်ပြီး ပက်သက်ရာ ပက်သက်ကြောင်း သတင်းတွေကို မျက်ခြေမပျက် လိုက်နေမယ်လို့ ကျွန်တော်တပ်အပ်ပြောရဲပါတယ်” လို့ သူက ဆိုပါတယ်။
လွှတ်တော်ရဲ့မေးမြန်းမှုကို အစိုးရက ဖြေကြားချက်အရ မှတ်ပုံတင်ထားပြီး ပျောက်ဆုံးနေတဲ့ ဒုက္ခသည်ကလေးငယ်နဲ့ ဆယ်ကျော်သက် ၅၈၃၅ ယောက်ထဲက ၅၅၅ ယောက်ဟာ အသက် ၁၄ နှစ်အောက်ဖြစ်တယ်လို့ သိရပါတယ်။
အာဏာပိုင်တွေအနေနဲ့ အဲ့ဒီထဲက တစ်ချို့ကို ဂျာမနီမှာရှိတဲ့ သို့မဟုတ် ဥရောပတစ်နေရာရာက သူတို့ရဲ့ဆွေမျိုးတွေ ပြန်ခေါ်သွားတာဖြစ်နိုင်တယ်လို့ ယူဆထားပါတယ်။ အဲ့လိုပြန်ခေါ်သွားပေမဲ့လည်း တာဝန်ရှိသူတွေဆီ သတင်းမပို့တာမျိုးကြောင့် စာရင်းဇယားတွေမှာလည်း ဒီအတိုင်းရှိနေခဲ့တယ်လို့ ဆိုပါတယ်။
မိခင်နိုင်ငံတွေက မတည်ငြိမ်မှုတွေကြောင့် ဥရောပကို ရွှေ့ပြောင်းလာကြတဲ့ ဒုက္ခသည်တွေဟာ လိင်ပိုင်းဆိုင်ရာ အမြတ်ထုတ်ခံရတာ၊ ငြှင်းပမ်းနှိပ်စက်ခံရတာမျိုးတွေနဲ့ ကြုံတွေ့နေရတယ်လို့လည်း ယခင်က သတင်းတွေ ထွက်ခဲ့ဖူးပါတယ်။
Ref: IINA
Leave a Reply
You must be logged in to post a comment.