News @ M-Media

နာမ်ပိုင်းဆိုင်ရာ ဆေးဆရာများကို ဆော်ဒီက အသိအမှတ်ပြုလက်မှတ် ထုတ်ပေးမည်

ဧပြီ ၂၃၊ ၂၀၁၆
M-Media

saudi 4

– စိတ်မကျန်းမာသူတွေကို ကုသပေးနိုင်ဖို့အတွက် ရူက်ယာလို့ခေါ်တဲ့ နာမ်ပိုင်းဆိုင်ရာ ဆေးဆရာတွေကို မကြာခင်က ပြဌာန်းလိုက်တဲ့ ဥပဒေနဲ့အညီ အသိအမှတ်ပြုလတ်မှတ် ထုတ်ပေးတော့မယ်လို့ ဆော်ဒီအာရေဗျကျန်းမာရေးဝန်ကြီးဌာနက ဒီတစ်ပတ်အတွင်းမှာ ပြောကြားခဲ့ပါတယ်။

အဲဒီလို အသိအမှတ်ပြုလက်မှတ် ထုတ်ပေးသွားတဲ့အပြင် ဆေးဘက်ဆိုင်ရာ အဆောက်အဦးတစ်ချို့နဲ့ ပစ္စည်းကိရိယာတစ်ချို့ကိုလည်း အဲဒီ နာမ်ပိုင်းဆိုင်ရာ ကုသမှုတွေအတွက် ၀န်ကြီးဌာနက သုံးစွဲခွင့်ပြုမှာ ဖြစ်ပါတယ်။

နာမ်ပိုင်းဆိုင်ရာနည်းလမ်းနဲ့ ကုသခွင့်တောင်းခံမှုကို အတည်ပြုနိုင်ဖို့ ကျန်းမာရေးဝန်ကြီးဌာနက ဘာသာရေးလမ်းညွှန်မှုနဲ့ အသိပညာပေးရေးဌာနကို ပေးပို့သွားပြီးမှသာ ကုသဖို့အတွက် အချိန်၊ နေ့ရက်၊ နေရာတို့ကို ဆုံးဖြတ်ပေးမှာ ဖြစ်ပါတယ်။

ကုသမှုပြုလုပ်မယ့် နေရာမှာတော့ ဘာသာရေးဆိုင်ရာ လမ်းညွှန်အကြံပေးမှုအဖွဲ့က အဖွဲ့ဝင်တစ်ဦးဟာ နာမ်ပိုင်းဆိုင်ရာ ဆေးဆရာနဲ့အတူ ရှိနေမှာဖြစ်ပြီး ဆေးကုသမှု လုပ်ထုံးလုပ်နည်းတွေဟာ ကုရ်အာန်ကျမ်းတော်မြတ်၊ တမန်တော် မုဟမ္မဒ်ခသင်ရဲ့ သြ၀ါဒတော်တွေနဲ့ ကိုက်ညီမှု ရှိ၊ မရှိ ကြီးကြပ်သွားမှာဖြစ်ပါတယ်။

တကယ်လို့ နာမ်ပိုင်းဆိုင်ရာ ဆေးဆရာ ဒါမှမဟုတ် လူနာကို ကုသမှုနည်းလမ်းဟာ ကုရ်အာန်၊ တမန်တော်ရဲ့ သြ၀ါဒတော်တွေကနေ သွေဖည်နေမယ်ဆိုရင်တော့ ဘာသာရေးလမ်းညွှန်အဖွဲ့ဝင်အနေနဲ့ ကုသမှုကို အဆုံးသတ်စေပြီး နောက်ထပ် လက်မှတ်ရဆရာတစ်ဦး ထပ်ရှာဖို့ လူနာနဲ့ ၎င်းရဲ့မိသားစုဆီ လမ်းညွှန်ပေးမှာဖြစ်ပါတယ်။

Ref: IINA

Comments

Leave a Reply