News @ M-Media

ဆီးရီးယားဆေးရုံကို အစိုးရက တိုက်ခိုက်မှုကြောင့် လူ ၂၀ သေဆုံး

ဧပြီ ၂၈၊ ၂၀၁၆
M-Media

syria 3

– ဆီးရီးယားနိုင်ငံ အဲလစ်ပိုမြို့ရှိ ဆေးရုံတစ်ရုံကို ဆီးရီးယားအစိုးရက လေကြောင်းမှတိုက်ခိုက်မှုကြောင့် အနည်းဆုံး လူ ၂၀ သေဆုံးခဲ့ပြီး ကုလကလည်း ဆီးရီးယားအပစ်ရပ်ရေးမှာ ပျက်စီးမည့်အခြေအနေတွင် ရှိနေသည်ဟု သတိပေး ပြောကြားလိုက်သည်။

အလ်ကွဒ်စ် ဆေးရုံးအား ယမန်နေ့က တိုက်ခိုက်ခဲ့ခြင်းဖြစ်ပြီး သူပုန်များထိန်းချုပ်ထားသော ဒေသအတွင်း ကျန်ရန်နေသည့် ကလေးဆရာဝန်များထဲမှ တစ်ဦးဖြစ်သူ ဒေါက်တာ ၀ါဆင်မ် မာအက်ဇ်အပါအ၀င် ဆေးရုံဝန်ထမ်းများနှင့် အခြား အရပ်သားများ သေဆုံးခဲ့သည်။

ယခုတိုက်ခိုက်မှုမှာ အစိုးရက ထိုမြို့အပေါ် တိုးမြှင့်ပြုလုပ်သည့် ထိုးစစ်ဆင်မှုမှ နောက်ဆုံးပေါ်ထွက်လာသည့် တိုက်ခိုက်မှုဖြစ်ပြီး ပြီးခဲ့သည့်တစ်ပတ် သောကြာနေ့ကတည်းက ပြုလုပ်ခဲ့သည့် လေကြောင်းတိုက်ခိုက်မှုများ၊ အမြှောက်ဖြင့် ပစ်ခတ်မှုများအကြောင့် အနည်းဆုံး အရပ်သား ၁၀၀ ကျော် သေဆုံးခဲ့ရသည်။

“ပြီးခဲ့တဲ့ ၄၈ နာရီအတွင်းမှာ ၂၅ မိနစ်တိုင်း ဆီးရီးယားပြည်သူတစ်ယောက် သေဆုံးနေတာကို ကျွန်တော်တို့ တွေ့ခဲ့ရပါတယ်” ဟု ဆီးရီးယားဆိုင်ရာ ကုလအထူးကိုယ်စားလှယ် စတီဖင် ဒီ မစ်တူရာက ပြောကြားခဲ့ပြီး ငြိမ်းချမ်းရေး ဆွေးနွေးပွဲများမှာလည်း အရာမရောက်တော့ဟု ထည့်သွင်းပြောကြားခဲ့သည်။

Ref: Aljazeera

Comments

Leave a Reply