မေ ၁၉၊ ၂၀၁၆
M-Media
– ပါလက်စတိုင်းဆိုင်ရာ ကိစ္စရပ်တွေနဲ့ပတ်သက်ပြီး နိုင်ငံခြားရေးဝန်ကြီးများအဆင့် အရေးပေါ်အစည်းအဝေးတစ်ခုကို မေလ ၂၈ ရက်နေ့မှာ ကျင်းပမယ်လို့ အာရပ်လိဂ်က ကြေငြာလိုက်ပြီး ပါလက်စတိုင်းသမ္မတ မဟ်မူးဒ် အဘတ်စ်လည်း တက်ရောက်မှာ ဖြစ်ပါတယ်။
ဒီအစည်းအဝေးကို အာရပ်လိဂ်ရဲ့ အလှည့်ကျဥက္ကဌအဖြစ် တာဝန်ယူထားတဲ့ ဘာရိန်းနိုင်ငံက နိုင်ငံခြားရေးဝန်ကြီး ရှိခ် ခါလစ် ဘင် အဟ်မဒ် အလ်-ခါလီဖာနဲ့ အထွေထွေအတွင်းရေးမှူးဖြစ်တဲ့ ဒေါက်တာ နဘီလ် အလ်အာရာဘီတို့ရဲ့ အကြံပေးမှုနဲ့အတူ ကျင်းပတာဖြစ်ကြောင်း အင်္ဂါနေ့ကထုတ်ပြန်တဲ့ ကြေငြာချက်မှာ ဖော်ပြထားပါတယ်။
အစည်းအဝေးမှာ အဓိကခေါင်းစဉ်သုံးခုထားကာ ဆွေးနွေးမှာ ဖြစ်ပြီး ပါလက်စတိုင်းပြည်သူများ ဖွံ့ဖြိုးတိုးတက်ရေး၊ လစ်ဗျားနိုင်ငံ အခြေအနေနဲ့ ဇူလိုင်လ ၂၀ မှ ၂၈ ရက်အတွင်း မော်ရီတေးနီးယားသမ္မတနိုင်ငံက လက်ခံကျင်းပမယ့် အာရဗ်ထိပ်သီးညီလာခံအတွက် အကြမ်းဖျင်း အစီအစဉ် ရေးဆွဲရေးတို့ပဲ ဖြစ်ပါတယ်။
Ref: IINA
Leave a Reply
You must be logged in to post a comment.