News @ M-Media

အီတလီတွင် ဒုက္ခသည်လှေများနစ်မြုပ်မှု လူ ၇၀၀ ကျော် သေဆုံးနိုင်

မေ ၂၉၊ ၂၀၁၆
M-Media

italy 3

– ပြီးခဲ့သည့် ရက်အနည်းအငယ်အတွင်း အီတလီနိုင်ငံတောင်ပိုင်း၌ ဖြစ်ပွားခဲ့သည့် ဒုက္ခသည်လှေများ နစ်မြုပ်မှုအတွင်း လူပေါင်း ၇၀၀ ကျော်မှာ ရေနစ်သေဆုံးနိုင်ဖွယ် ရှိနေသည်ဟု ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မှ ပြောရေးဆိုခွင့်ရှိသူ ၀ီလီယံ စပင်ဒလာက ပြောကြားခဲ့သည်။

ပထမဆုံးဆုံး နစ်မြုပ်မှုမှာ ဗုဒ္ဓဟူးနေ့က ဖြစ်ပွားခဲ့ခြင်းဖြစ်ပြီး ထိုသင်္ဘောတွင် လူပေါင်း ၆၀၀ ခန့်ပါဝင်လာကာ အချို့မှာ လက်ရှိအချိန်အထိ ပျောက်ဆုံးနေဆဲဖြစ်သည်။ ကြာသာပတေးနှင့် သောကြာနေ့များတွင်လည်း နောက်ထပ် ဒုက္ခသည်သင်္ဘော နစ်မြုပ်မှုများ ဖြစ်ပွားခဲ့ပြီး ထိုအဖြစ်အပျက်များကြောင့် စုစုပေါင်း လူ ၇၀၀ ကျော် ပျောက်ဆုံးနေကာ သေဆုံးပြီဟု ယူဆရဖွယ် ရှိနေသည်။

“လက်ရှိအချိန်မှာ လစ်ဗျားကနေ အီတလီကိုကူးဖို့ လှေတော်တော်များများ ရှိနေပြီး ကယ်ဆယ်ရေးဆောင်ရွက်မှုတွေကို လုပ်ဆောင်နေပါတယ်” ဟု စပင်လာက ဆိုသည်။ ထို့ပြင် လှေငယ်များဖြင့် ဒုက္ခသည်များ ဥရောပသို့ ၀င်ရောက်လာမှုကို တားမြစ်ရေး ပိုမိုဆောင်ရွက်ရန် လိုအပ်သည်ဟုလည်း ၎င်းက ထည့်သွင်းပြောကြားခဲ့သည်။

Ref: Aljazeera

Comments

Leave a Reply