News @ M-Media

တရုတ်-ပြင်သစ် နျူစီမံကိန်းကို တရုတ်ပြည်သူများ ကန့်ကွက်

သြဂုတ် ၉၊ ၂၀၁၆
M-Media

china 7

– အနာဂတ်မှာ ဖြစ်လာနိုင်ခြေရှိသည့် တရုတ်-ပြင်သစ် နျူကလီးယားစီမံကိန်းကို ဆန့်ကျင်သောအနေဖြင့် တရုတ်နိုင်ငံအရှေ့ပိုင်း ဆိပ်ကမ်းမြို့ Lianyungang တွင် ဒေသခံထောင်ပေါင်းများစွာက လမ်းပေါ်ထွက်၍ ဆန္ဒပြခဲ့ကြသည်ဟု သိရသည်။

ထိုစီမံကိန်းမှာ နျူကလီးယားစွန့်ပစ်ပစ္စည်းသန့်စင်သည့် စက်ရုံဖြစ်ပြီး ရဲတပ်ဖွဲ့က သတိပေးခဲ့သော်လည်း ပြည်သူများမှာ အစိုးရရုံးများ၏ အရှေ့တွင် တနင်္လာနေ့က ဆန္ဒပြခဲ့ကြခြင်းဖြစ်သည်။

၂၀၁၂ ခုနှစ်က ပြင်သစ်နျူကလီးယားလောင်စာလုပ်ငန်း Areva နှင့် တရုတ်အမျိုးသားနျူကလီးယားကော်ပိုရေးရှင်း (CNNC) တို့အကြား နျူကလီးယားပြန်လည်သန့်စင်ရေး စက်ရုံတစ်ခု တည်ဆောက်မည့် သဘောတူညီမှုတစ်ခုကို လက်မှတ်ရေးထိုးခဲ့ကြပြီး တည်ဆောက်မည့်နေရာအား အတိအကျ သတ်မှတ်ထားခြင်းမရှိပေ။

Lianyungang မြို့ ဒေသခံများကမူ ၎င်းတို့ဒေသအနီးတွင် ကြီးမားသော နျူဓာတ်အားပေးစက်ရုံတစ်ခု တည်ဆောက်လျက်ရှိနေသောကြောင့် ယင်းစက်ရုံအနီး ထိုနျူစွန့်ပစ်ပစ္စည်း သန့်စင်စက်ရုံစီမံကိန်း ဖြစ်လိမ့်မည်ဟု ပြောကြားခဲ့ကြသည်။

ဆန္ဒပြသူများမှာ အလံများလွှင့်၍၊ ကျွေးကြော်သံများကိုလည်း ကျွေးကျော်ခဲ့ကြပြီး ထိုနျူစီမံကိန်းက ကျန်းမာရေးအပေါ် ဆိုးကျိုးသက်ရောက်မှုများ ရှိလာနိုင်မှုအတွက် စိုးရိမ်မိသည်ဟု ဆိုသည်။

Ref : Presstv

Comments

Leave a Reply