သြဂုတ် ၂၆၊ ၂၀၁၆
M-Media
– နီပေါနိုင်ငံတွင် လူအပြည့်တင်ဆောင်လာသော ဘတ်စ်ကားတစ်စင်းမှာ ယနေ့မနက်ပိုင်းက မြစ်ထဲသို့ ထိုးကျမှု ဖြစ်ပွားခဲ့သောကြောင့် လူ ၂၁ ဦး သေဆုံးခဲ့သည်ဟု အစိုးရ အကြီးတန်းတာဝန်ရှိသူတစ်ဦးက ပြောကြားလိုက်သည်။
နိုင်ငံအလယ်ပိုင်း ချန်ပီ ဘန်ဂ်ျယန်ရွာမှ အဝေးပြေးလမ်းမ တစ်ဖက်တစ်ချက်ရှိ ထရီရှူလီမြစ်ထဲသို့ ထိုးကျခဲ့ခြင်းဖြစ်ပြီး သေဆုံးသွားသူများ၏ ရုပ်အလောင်များနှင့် ဒဏ်ရာရသူများအား ဆယ်ယူရန် ကယ်ဆယ်ရေးသမားများမှာ ရုန်းကန်နေရသည်။
“လူ ၂၁ ဦး သေဆုံးခဲ့ပြီး ၁၆ ဦးကို ကယ်ဆယ်နိုင်ခဲ့ပါတယ်” ဟု ခရိုင်အကြီးအကဲ ပရာကက်ရှ် ဆင်းက ပြောကြားခဲ့ပြီး လက်ရှိတွင် ဘတ်စ်ကားမြုပ်ရာတစ်ဝိုက်တွင် ရှာဖွေမှုများ ပြုလုပ်နေသည်ဟု ဆိုသည်။
အဆိုပါ ဘတ်စ်ကားမှာ ကမ္ဘာလှည့်ခရီးသွားများ စိတ်ဝင်စားရာ ပေါ့ဟာရာမြို့မှ နိုင်ငံတောင်ပိုင်းရှိ ရာတာဟတ်ခရိုင်သို့ ဦးတည်မောင်းနှင်ခဲ့ခြင်း ဖြစ်သည်။
လမ်းများဆိုးရွားမှု၊ ကားများကို ထိန်းသိမ်းမှု ညံ့ဖျင်းခြင်းတို့ကြောင့် နီပေါနိုင်ငံတွင် ထိုကဲ့သို့ ယာဉ်မတော်တဆမှုများ မကြာခဏ ဖြစ်ပွားလေ့ရှိပြီး ပြီးခဲ့သည့်တစ်ပတ်ကလည်း လူအပြည့်တင်လာသည့် ဘတ်စ်ကားတစ်စီးမှာ ကာဗာရီခရိုင်ရှိ တောင်ပေါ်လမ်းတွင် ချောက်ထဲသို့ ထိုးကျသွားသောကြာင့် အနည်းဆုံး ၂၅ ဦး သေဆုံးခဲ့သည်။
Ref : Aljazeera
Leave a Reply
You must be logged in to post a comment.