သြဂုတ် ၂၉၊ ၂၀၁၆
M-Media
– ဥရောပသို့ ခိုလှုံလာသည့် ဒုက္ခသည်များမှ အချို့ကို မွတ်စလင်ဖြစ်သည့်အတွက် လက်မခံဟု ဥရောပနိုင်ငံတစ်ချို့က ပြောဆိုနေမှုမှာ လက်မခံနိုင်ဖွယ်ရာဖြစ်သည်ဟု ဂျာမနီအဓိပတိ အိန်ဂျလာမာကဲလ်က ပြောကြားလိုက်သည်။
“လူတိုင်းက သူ့တို့လုပ်ရမယ့်အလုပ်ကို လုပ်ဖို့လိုပါတယ်။ ‘လူသားချင်းစာနာထောက်ထားမှုဆိုင်ရာ အကူအညီ လိုအပ်အပ်၊ မလိုအပ်အပ် ငါတို့တိုင်းပြည်မှာ မွတ်စလင်တွေကို လက်မခံဘူး’ လို့ တစ်ချို့တွေပြောနေတာဟာ မှားယွင်းတယ်လို့ ကျွန်မထင်ပါတယ်။ ဒီကိစ္စအတွက် ကျွန်မတို့ဆက်ပြီး ဆွေးနွေးသွားရမှာပါ” ဟု မာကဲလ်က ARD ရုပ်သံသို့ ပြောကြားခဲ့သည်။
ဂျာမန်အာဏာပိုင်များမှာ ၂၀၁၆ တစ်နှစ်လုံးတွင် ဒုက္ခသည် ၃ သိန်းကို ၀င်ရောက်ခွင့်ပြုရန် မျှော်မှန်းထားပြီး၊ ထိုဒုက္ခသည်များမှာ အဓိကအားဖြင့် ပရိပက္ခများနှင့် အကြမ်းဖက်ဝါဒကြီးစိုးရာ အာဖဂန်နစ္စတန်၊ အီရတ်နှင့် ဆီးရီးယားတို့မှ ဖြစ်ကြသည်။
မာကဲလ်ကမူ ဒုက္ခသည်များကို ဥရောသမဂ္ဂ၏ အဖွဲ့ဝင် ၂၈ နိုင်ငံက အချိုးကျ ခွဲဝေလက်ခံရန် အလိုရှိနေပြီး၊ အမျိုးသားရေးဝါဒီခေါင်းဆောင်များ ကြီးစိုးထားသည့် ဥရောပအရှေ့ခြမ်းနိုင်ငံများမှာ အရှေ့အလယ်ပိုင်းနှင့် တောင်အာရှတို့မှ ဒုက္ခသည်များ လက်ခံရေး အစီအစဉ်ကို ငြင်းဆိုထားပြီး၊ အချို့က အချို့ဥရောပနိုင်ငံများက အချိုးကျ လက်ခံရန် အစီအစဉ်ကို ဆန့်ကျင်ကြသည်။
ယမန်နေ့က ပြုလုပ်ခဲ့သည့် အဓိပတိ၏ မိတ်ဆုံစားပွဲအခမ်းနားတွင် မာကဲလ်မှာ နိုင်ငံသားများ၊ ဧည့်သည်တော်များနှင့် တရင်းတနှီး တွေ့ဆုံနှုတ်ဆက်ခဲ့ပြီး ဂျာမနီနိုင်ငံ၏ အဓိက ဦးစားပေးဆောင်ရွက်မည့်ကိစ္စမှာ နိုင်ငံလုံခြုံရေးဖြစ်သည်ဟု ပြောကြားခဲ့သည်။
Ref: VOA
Leave a Reply
You must be logged in to post a comment.