News @ M-Media

သက်ငယ်မုဒိမ်းမှု ကျူးလွန်သူများကို အင်ဒိုက သေဒဏ်နှင့် နှစ်ရှည်ထောင်ဒဏ်များ ချမှတ်

စက်တင်ဘာ ၃၀၊ ၂၀၁၆
M-Media

indo-2

– အင်ဒိုနီးရှားတွင် ကျောင်းသူတစ်ဦးကို မုဒိန်းကျင့် သတ်ဖြတ်ခဲ့သည့် ဂိုဏ်းတစ်ခု၏ ခေါင်းဆောင်ကို အင်ဒိုနီးရှားတရားရုံးက ယမန်နေ့တွင် သေဒဏ်ချမှတ်ခဲ့ပြီး ကျန်ပါဝင်သူများကိုလည်း နှစ်ရှည်ထောင်ဒဏ်များ အသီးသီး ချမှတ်ခဲ့သည်ဟု သိရသည်။

လူငယ် ၈ ဦး အပါအ၀င် လူ ၁၄ ယောက်ပါဝင်သည့် အဆိုပါဂိုးဏ်မှာ ဆူမားတြားကျွန်း အနောက်ဘက်တွင် ဧပြီလက အသက် ၁၄ နှစ်အရွယ် ကျောင်းသူတစ်ဦးကို အဓမ္မပြုကျင့်ကာ သတ်ဖြတ်ခဲ့ခြင်းဖြစ်ပြီး ခေါင်းဆောင်ဖြစ်သူ ဇိုင်နယ်အား တရားရုံးက သေဒဏ်ချမှတ်ခဲ့ကာ၊ အခြား ၄ ဦးကို ထောင်ဒဏ် နှစ် ၂၀ စီ ချမှတ်ခဲ့ခြင်ဖြစ်သည်။

အမျိုးသမီးများနှင့် မိန်းလေးငယ်များအပေါ် လိင်အကြမ်းဖက်မှုမှာ အင်ဒိုနီးရှားတွင် ဖြစ်လေ့ဖြစ်ထရှိသော်လည်း အုပ်စုဖွဲ့ အုပ်စုဖွဲ့ အဓမ္မပြုကျင့်မှုမှာ ဖြစ်ခဲသည်။

ယခုဖြစ်ရပ်က ကမ္ဘာ့ စတုတ္ထလူဦးရေအများဆုံးနိုင်ငံဖြစ်သည့် အင်ဒိုနီးရှားကို အထိတ်တလန့်ဖြစ်စေခဲ့ပြီး၊ သက်ငယ်မုဒိမ်းမှု ကျူးလွန်သူများကို သေဒဏ်ပေးခြင်း၊ ဓာတုဗေဒနည်းဖြင့် သင်းကွပ်ခြင်းတို့အပါအ၀င် ပိုမိုကြီးလေးသော အပြစ်ဒဏ်များကို ပေးအပ်နိုင်မည့် ဥပဒေကို သမ္မတ ၀ီဒိုဒိုက လက်မှတ်ထိုးစေသည်အထိ ဖြစ်ခဲ့သည်။

ယခု အုပ်စုဖွဲ့ အဓမ္မပြုကျင့်မှုတွင် အသက်အငယ်ဆုံးမှာ ၁၃ နှစ်အရွယ်ရှိပြီး ၎င်းတို့ ၁၄ ဦးမှ ၇ ဦးကို ထောင်ဒဏ် ၁၀ နှင့် ချမှတ်ခဲ့ကာ တစ်ဦးကိုမူ ပြန်လည်ထူထောင်ရေးလုပ်ငန်းများတွင် ပါဝင်ဆောင်ရွက်ရန် အမိန့်ပေးခဲ့သည်။ တစ်ဦးမှာမူ ထွက်ပြေးလွတ်မြောက်နေဆဲဖြစ်သည်။

သေဆုံးသွားသူ မိန်းကလေးငယ်၏ မိသားစုများကမူ အဆိုပါ ပြစ်ဒဏ်မှာ လုံလောက်ခြင်းမရှိဟု ပြောကြားခဲ့သည်။

Ref : Reuter

Comments

Leave a Reply