စက်တင်ဘာ ၃၀၊ ၂၀၁၆
M-Media
– ဖိလစ်ပိုင်သမ္မတ ရော်ဒရီဂို ဒူတာတေးက သူ့ရဲ့ မူးယစ်နှိမ်နင်းမှုအတွင်း လူအများအပြား သတ်ဖြတ်တာကို ဟစ်တလာကာ ဂျူးလူမျိုးတွေကို သတ်ဖြတ်တာနဲ့ ခိုင်းနှိုင်းပြောဆိုလိုက်ပြီး ပျော်ပျော်ကြီး ဆက်လုပ်သွားမယ်လို့လည်း ဆိုပါတယ်။
“ဟစ်တလာက ဂျူး ၃ သန်းကို သတ်ခဲ့တယ်။ တိုင်းပြည်မှာ ဆေးစွဲနေသူ ၃ သန်း ရှိမယ်ဆိုရင် ကျွန်တော် သူတို့ကို ပျော်ပျော်ကြီး သတ်ပစ်မှာပါ” လို့ ဒီနေ့မနက် ဗီယက်နမ်ကနေ ဒါဗာအိုမြို့ကို ပြန်လာတဲ့အချိန် ဒူတာတေးက ပြောကြားလိုက်တာပါ။
နောက်ပြီး သူ့ကိုယ်သူ လက်ညှိုးထိုးကာ “ဂျာမနီမှာ ဟစ်တလာလိုလူမျိုးရှိရင် ဖိလစ်ပိုင်မှာလည်း ရှိမှာပါ” လို့လည်း ကိုယ်ရည်သွေးခဲ့ပါတယ်။
ဟစ်တလာ သတ်ဖြတ်တဲ့လူတွေဟာ အပြစ်မဲ့သူတွေဖြစ်ပြီး မိမိ သတ်ဖြတ်တဲ့သူတွေအားလုံးဟာ ရာဇ၀တ်ကောင်တွေဖြစ်ကြောင်း၊ အဲဒီလို သတ်ဖြတ်ခြင်းက တိုင်းပြည်မှာရှိနေတဲ့ မူးယစ်ပြဿနာကို ဖြေရှင်းနိုင်မှာဖြစ်ကာ နောက်မျိုးဆက်ကို ဆုံးရှုံးမှုကနေ ကာကွယ်နိုင်မယ်လို့လည်း ဒူတာတေးက ထည့်သွင်းပြောကြားခဲ့ပါတယ်။
ဇွန်လ ၃၀ ရက်နေ့ အာဏာရပြီးနောက်ပိုင်း ဒူတာတေး စတင်ခဲ့တဲ့ မူးယစ်စစ်ပွဲမှာ အခုအချိန်အထိ လူပေါင်း ၃၅၀၀ ကျော်လောက် သေဆုံးခဲ့ပြီး၊ ကုလသမဂ္ဂ၊ ဥရောပသမဂ္ဂ၊ အမေရိကန်၊ ကက်သလစ်အသင်းတော်နဲ့ လူ့အခွင့်အရေး အဖွဲ့တွေကလည်း သူ့ရဲ့ အဲဒီလုပ်ရပ်အတွက် ပြင်းပြင်းထန်ထန် ဝေဖန်ခဲ့ပါတယ်။
ဒူတာတေးဟာ အမေရိကန်သမ္မတကို ဆဲရေးတိုင်းထွာခဲ့သလို၊ ဥရောပ သမဂ္ဂကိုလည်း အခုတစ်ပတ်အတွင်းမှာပဲ လက်ခလယ်ထောင်ပြကာ ဆဲရေးခဲ့ပါတယ်။ နောက်ပြီး လူ့အခွင့်အရေးကို ဂရုမစိုက်ဘူးလို့ ပြောထားသူလည်း ဖြစ်ပါတယ်။
Ref : Aljazeera
Leave a Reply
You must be logged in to post a comment.