အောက်တိုဘာ ၇၊ ၂၀၁၆
M-Media
– နိုင်ငံအတွင်း ဂုဏ်သိက္ခာအတွက်သတ်ဖြတ်ခြင်း (Honour killings) ကို ဆန့်ကျင်တားမြစ်သည့် ဥပဒေတစ်ခုကို ပါကစ္စတန်လွှတ်တော်က ယမန်န့တွင် တစ်ညီတစ်ညွတ်တည်း အတည်ပြုခဲ့ပြီး ထိုဥပဒေအရ ပြစ်မှုကျူးလွန်သူအတွက် ကျူးလွန်ခံရသူဘက်မှ ကျေအေးပေးသော်လည်း အမြင့်ဆုံး ထောင်ဒဏ် ၂၅ နှစ်အထိ ကျခံရမည်ဖြစ်သည်။
ပါကစ္စတန်နိုင်ငံ၌ အမျိုးသမီးငယ်များကို မိသားစုဂုဏ်သိက္ခာ ထိခိုက်သည်ဟုဆိုကာ မိသားစုဝင်များက သတ်ဖြတ်မှုမှာ တစ်နှစ်လျှင် ၅၀၀ ခန့်ရှိနေပြီး၊ ချစ်သူနောက်ခိုးရာလိုက်ပြေးခြင်း၊ အမျိုးသားများနှင့် အရောတ၀င်ဆက်ဆံခြင်း သို့မဟုတ် အမျိုးသမီးများအပေါ် ရှိနေသည့် ရှေးရိုးစွဲ သတ်မှတ်ချက်များကို ချိုးဖောက်မှုများကြောင့် ဖြစ်သည်။
ထိုအဖြစ်အပျက်အများစုတွင် သတ်ဖြတ်ခံရသူများမှာ အမျိုးသမီးများနှင့် ကျူးလွန်သူမှာ ထိုပြစ်မှုအတွက် မိသားစုထံမှ ခွင့်လွှတ်မှုကို ရယူပြီးနောက် အပြစ်ပေးခံရမှုမှ လွတ်မြောက်ခဲ့သည့် ဆွေမျိုးများ ဖြစ်တတ်သည်။
ဝန်ကြီးချုပ် နာဝဇ် ရှရစ်ဖ်ကမူ ယခုဥပဒေ ပြဌာန်နိုင်ခဲ့ခြင်းကို ချီးကျူးလိုက်ပြီး ရဲတပ်ဖွဲ့နှင့် တရားရုံးများမှာ ထိုဥပဒေကို အကောင်အထည်ဖော်သွားမည်ဟု အခိုင်အမာ ပြောကြားခဲ့သည်။
“နိုင်ငံတစ်ဝှမ်းမှာ ဒီဥပဒေကို အပြည့်အ၀ ကျင့်သုံးသွားမှာဖြစ်ပါတယ်။ အမျိုးသမီးတွေဟာ ကျွန်တော်တို့လူ့အဖွဲ့အစည်းရဲ့ အရေးပါတဲ့ အစိတ်အပိုင်းဖြစ်ပြီး၊ သူတို့ကို စွမ်းအားမြှင်တင်ပေးဖို့၊ ကာကွယ်ပေးဖို့နဲ့ လွတ်မြောက်စေဖို့ လိုအပ်တယ်တယ်ဆိုတာကို ကျွန်တော် ယုံကြည်ပါတယ်” ဟု ၀န်ကြီးချုပ်က ပြောကြားခဲ့သည်။
ယခုကဲ့သို့ ဥပေဒပြဌာန်းနိုင်ခဲ့သော်လည်း တရားရုံးက ဂုဏ်သိက္ခာအတွက် သတ်ဖြတ်ခြင်း ဟုတ်၊ မဟုတ် ဆုံးဖြတ်ရမည့် အခြေအနေရှိနေခြင်း၊ အမျိုးသမီးများ ချစ်သူနောက်လိုက်ပြေးသည့်ကိစ္စအား မဖြေရှင်းနိုင်ခြင်းနှင့် ထိုဥပေဒမှာ အနောက်တိုင်း ယဉ်ကျေးမှုကို သွတ်သွင်းပေးနေခြင်း စသည့် ဝေဖန်းမှုများလည်း ရှိနေသည်။
ဂုဏ်သိက္ခာအတွက်သတ်ဖြတ်ခြင်းအား ဆန့်ကျင်သည့် ဥပဒေအပြင် အရွယ်မရောက်သူများ၊ မသန်စွမ်းသူများအပေါ် အဓမ္မပြုကျင့်မှုများကို တစ်သက်တစ်ကျွန်း၊ သေဒဏ် စသဖြင့် အပြစ်ဒဏ် တိုးမြှင့်နိုင်မည့် ဥပေဒတစ်ခုကိုလည်း အတည်ပြုခဲ့သည်။
Ref: Aljazeera
Leave a Reply
You must be logged in to post a comment.