News @ M-Media

ဂရိမြို့တော် အေသင်၏ ပထမဆုံးဗလီ မကြာမီ ဆောက်လုပ်တော့မည်

အောက်တိုဘာ ၁၃၊ ၂၀၁၆
M-Media

athen

– အစိုးရက ဘဏ္ဍာရေးထောက်ပံ့ပေးထားပြီး မြို့၏ ပထမဆုံးဖြစ်လာမည့် ဗလီဝတ်ကျောင်းတော်တစ်လုံးကို ဂရိနိုင်ငံ မြို့တော်အေသင်ရှိ ဗိုတာနီကို့စ်ဒေသတွင် လာမည့်ရက်ပိုင်းအတွင်း ဆောက်လုပ်တော့မည်ဟု သိရသည်။

ဂရိရေတပ်၏ အဆောက်အဦးဟောင်းကို ဖြိုချကာ ဗလီဝတ်ကျောင်းတော်ကို ဆောက်လုပ်မည်ဖြစ်ပြီး၊ ဆောက်လုပ်ရေးလုပ်ငန်းမှာ ၆ လခန့် ကြာမြင့်မည်ဖြစ်သည်။ ကုန်ကျငွေမှာမူ ယူရို ၈၈၇၀၀၀ ၀န်းကျင် ရှိမည်ဖြစ်ပြီး အစိုးရက ထောက်ပံ့ပေးထားခြင်းဖြစ်သည်။

ဆောက်လုပ်ရေးအတွက် သဘောတူညီချက်ကို ဂရိအစိုးရ၏ ဆောက်လုပ်ရေးဝန်ကြီးဌာနနှင့် ပုဂ္ဂလိက ကုမ္ပဏီတစ်ခုတို့က တနင်္လာနေ့တွင် လက်မှတ်ရေးထိုးခဲ့သည်။

ဗလီဝတ်ကျောင်းတော် ဆောက်လုပ်ခွင့်ပြုရေးအတွက် ဂရိပါလီမန်တွင် အကြိတ်အနယ် ဆွေးနွေးခဲ့ပြီးနောက် ၂၀၁၄ ခုနှစ်တွင် အတည်ပြုခဲ့ခြင်းဖြစ်သည်။ ထို့နောက် သဘာဝပတ်ဝန်းကျင် ထိန်းသိမ်းရေးဌာန၏ မူဘောင်များကြောင့် ဆောက်လုပ်ရေး နှောင့်နှေးခဲ့ရသည်။

အဆိုပါ ဗလီဝတ်ကျောင်းတော်မှာ နှစ်ပေါင်း ၁၈၀ အတွင်း မြို့တော်အေသင်၌ ပထမဆုံး ဗလီဝတ်ကျောင်းတော် ဖြစ်လာမည်ဖြစ်ပြီး မြို့အတွင်းနေထိုင်သည့် မွတ်စလင် ၂ သိန်းကျော်အတွက် ၀န်ဆောင်မှုပေးနိုင်မည်ဖြစ်သည်။ လက်ရှိအချိန်တွင် အေသင်ရှိ အစ္စလာမ်ဘာသာဝင်များမှာ ၎င်းတို့ အဆင်ပြေရာနေရာများတွင် စုပေါင်းဝတ်ပြုနေကြသည်။

Ref : greece.greekreporter.com

Comments

Leave a Reply