ဒီဇင်ဘာ ၁၁၊ ၂၀၁၆
M-Media
– အစ္စရေး၏ ပိတ်ဆို့ဖြတ်တောက်မှုကို ခံစားနေရသည့် ဂါဇာကမ်းမြှောင်မှ ပါလက်စတိုင်းပြည်သူများအတွက် အီဂျစ်က ရာဖာနယ်ခြားကို ၃ ရက်ကြာ ဖွင့်လှစ်ပေးခဲ့သည်ဟု သိရသည်။
လူသားချင်းစာနာထောက်ထားမှုဆိုင်ရာ အခြေအနေများနှင့် နယ်စပ်နှစ်ဖက်တွင် ရှိနေသည့် ခရီးသွားများအတွက် ရည်ရွယ် ဖွင့်လှစ်ပေးခဲ့ခြင်းဖြစ်သည်။ စနေနေ့ မနက်ပိုင်းမှစ၍ ဘတ်စ်ကားများမှာ နေမကောင်းသူများ၊ ကျောင်းသားများကို အီဂျစ်နိုင်ငံတွင်းသို့ ပို့ဆောင်ပေးခဲ့သည်။
ဂါဇာကမ်းမြှောင်မှာ ၂၀၀၇ ခုနှစ်ကတည်းက အစ္စရေး၏ လေကြောင်း၊ ရေကြောင်းနှင့် ကုန်ကြောင်းတို့အားလုံး ပိတ်ထားမှုကို ခံခဲ့ရခြင်းဖြစ်ပြီး၊ အီဂျစ်ကလည်း ရာဖာနယ်ခြားကို တစ်ခါတစ်ရံမှသာ ဖွင့်ပေးလေ့ရှိသည်။ ထို့ကြောင့် ဂါဇာရှိ ပါလက်စတိုင်းပြည်သူများမှာ အခြေခံ ကုန်ပစ္စည်းများပြတ်တာက်ခြင်းအပါအ၀င် အတိဒုက္ခမျိုးစုံကို ခံစားနေရသည်။
Ref: IINA