အောက်တိုဘာ၊ ၂၇ ၊ ၂၀၁၂
M-Media
သတင်း-ဇာဏီ
ဆင်တပ်မှော်ရွာ (စစ်တွေတဘက်ကမ်း) (၂၇.၁၀.၁၂၊ မနက် ၁၀း၄၅ နာရီ)
ကျောက်ဖြူကနေ ထွက်ပြေးလာတဲ့ မွတ်စလင်မ်ဒုက္ခသည်တစ်ဦးနဲ့ အဆက်သွယ်ရပါတယ်။ အဆက်သွယ်ရခိုက် မေးမြန်းဖြစ်ခဲ့ပါတယ်။
“ကျွန်တော် အခု စစ်တွေတဘက်ကမ်းက ဆင်တပ်မှော်မှာ ရောက်နေပါတယ်။ ၂၂-ရက်နေ့ကတည်းက ကျောက်ဖြူက ထွက်လာတာ။ ၂၅-ရက်နေ့မှာ ဒီကိုရောက်တယ်။ ဟုတ်တယ် လူတွေအများကြီး တစ်ကွဲတစ်ပြားစီပဲလေ။ ကျွန်တော်တို့နဲ့အတူတူ ဒုက္ခသည် ၃၅၀၀ ကျော်ပါတယ်။ ဒီမှာ လုံခြုံရေးလည်းမရှိဘူး။
ဒီရွာမှာ အိမ်ခြေ (၆၀၀)ကျော်ရှိတယ်။ သူတို့တွေကပဲ ကျွန်တော်တို့ကို ကူညီပေးထားတယ်။ ဒီရွာကလည်း စစ်တွေကို အားပြုပြီးနေရတာ၊ ဆင်းရဲတယ်။ အခုထိတော့ ကျွန်တော်တို့တွေကို သူတို့ကျွေးထားတယ်။ စားရေရိက္ခာလည်း အခု ပြတ်လတ်လာပြီ။ မရှိတော့ဘူး။ ရိက္ခာပြတ်တောက်လာပြီ။
ပြီးတော့ တစ်ခြားရွာတွေက ဒီရွာကို ခြိမ်းခြောက်တယ်။ ကျွန်တော်တို့တွေကို လက်ခံထားရင် ဒီရွာကိုလည်း ပြဿနာရှာမယ်ဆိုတော့ အားလုံးလည်း ကြောက်လန့်နေကြတယ်။ ကျွန်တော်တို့ ထွက်သွားဖို့ကလည်း စက်လှေတွေမှာ ဆီမရှိတော့ဘူး။ ဘယ်လိုလုပ်ရမှန်းလဲမသိတော့ဘူး။ ဒုက္ခသည်တွေအတွက် ဘယ်လိုတွေ လုပ်ပေးကြမလဲ။ ကျွန်တော်တို့တွေအတွက် ဘယ်သူတွေ ဘာမှ မကူညီနိုင်ကြတော့ဘူးလားဗျာ။ ကျွန်တော်တို့အားလုံး သေရမယ့်နေ့ကို ထိုင်စောင့်နေရပါတယ်။”
သဲချောင်းဓာတ်ပုံများကို M-Media Facebook မှာ ကြည့်ရှုနိုင်ပါတယ်။
Leave a Reply
You must be logged in to post a comment.