စက်တင်ဘာ ၉၊ ၂၀၁၇
M-Media
– ဘတ်စ်ကား လက်မှတ်ရောင်းသူက အသက် ၇ နှစ်အရွယ် ကျောင်းသားတစ်ဦးအား သတ်ဖြတ်မှုနှင့် ပတ်သက်၍ အိန္ဒိယနိုင်ငံတွင် ဆန္ဒပြမှုမျာ ဖြစ်ပွားခဲ့သည်ဟု သိရသည်။
စီးပွားရေးမြို့တော် နယူးဒေလီတောင်ဘက် ဂုရုဂရမ်မြို့ရှိ Ryan International School ပုဂ္ဂလိကကျောင်းတွင် ဖြစ်ပွားခဲ့ခြင်းဖြစ်ပြီး ကလေးငယ်မှာ အိမ်သာထဲတွင် လည်ပင်းပြတ်ရှဒဏ်ရာဖြင့် သေဆုံးနေသည်ကို တွေ့ခဲ့ရသည်။
ရဲတပ်ဖွဲ့က စုံစမ်းစစ်ဆေးမှုများ ပြုလုပ်ခဲ့ပြီးနောက် အက်စ်ဟော့က်ဟုခေါ်သည့် ဘတ်စ်ကား လက်မှတ်ရောင်းသူကို ယမန်နေ့တွင် ဖမ်းဆီးနိုင်ခဲ့သည်။ အဆိုပါအမျိုးသားမှာ ကလေးငယ်အား လိမ်ပိုင်းဆိုင်ရာ စော်ကားရန် ကြိုးစားခဲ့ပြီး ကျောင်းသားလေးက အော်မည်ပြုသည့်အခါတွင် ဓားဖြင့် သတ်ဖြတ်ခဲ့ခြင်း ဖြစ်သည်ဟု ရဲတပ်ဖွဲ့တာဝန်ရှိသူ ဆင်မ်ရန်ဂျစ် ဆင်းက ပြောကြားခဲ့သည်။
ပုဂ္ဂလိကကျောင်း၏ ယာယီကျောင်းအုပ်ကို ရာထူးမှ ဖယ်ရှားလိုက်သော်လည်း ကျောင်းသားမိဘများမှာ ယနေ့တွင် ဂုရုဂရမ်မြို့တစ်ဝိုက် ဆန္ဒပြမှုများ လုပ်ဆောင်ခဲ့ကာ ပညာရေးအာဏာပိုင်များအား အရေးယူရန် တောင်းဆိုခဲ့သည်။
မနေ့ကလည်း ကျောင်းသားမိဘများမှာ ကျောင်းဆောင်အတွင်း ၀င်ရောက်၍ ပစ္စည်းများ၊ ပြတင်းပေါက်များကို ဖျက်ဆီးမှုများ ပြုလုပ်ခဲ့သည်။
၂၀၁၅ ခုနှစ်က အိန္ဒိယနိုင်ငံတွင် ကလေးငယ်များ အဓမ္မပြုကျင့်ခံရသည့် အဖြစ်အပျက်မှာ ၁၀၈၅၄ ခုရှိခဲ့ပြီး တက်ကြွလှုပ်ရှားသူများကမူ ရဲတပ်ဖွဲ့သို့ တိုင်ကြားခြင်းမရှိသည့် အမှုပေါင်းများစွာ ရှိနေသည်ဟု ဆိုသည်။
ကျူးလွန်သူများမှာ များသောအားဖြင့် ကျူးလွန်ခံရသူများနှင့် သိရှိသူများ ဖြစ်တတ်သည်ဟု ဆိုသည်။
Ref: Aljazeera