အောက်တိုဘာ ၃၀၊ ၂၀၁၇
M-Media

– ၂၀၁၅ ခုနှစ်က အင်အားကြီး ၆ နိုင်ငံနှင့် သဘောတူညီချက် ရရှိခဲ့သည့် နျူသဘောတူညီချက်ကို အီရန်က လိုက်နာလျက်ရှိသည်ဟု နိုင်ငံတကာအနုမြူအေဂျင်ဆီ (IAEA) အကြီးအကဲ ယူကီယာ အေမာနိုက ယမန်နေ့တွင် ထပ်မံပြောကြားလိုက်သည်။
တီဟီရန်သို့ရောက်ရှိကာ စစ်ဆေးပြီးနောက် ထိုကဲ့သို့ ပြောကြားလိုက်ခြင်းဖြစ်ပြီး အမေရိကန်သမ္မတ ဒေါ်နယ်ထရမ့်က အီရန်မှာ JCPOA သဘောတူညီချက်ကို လိုက်နာမှုမရှိဟု ပြောကြားခဲ့ပြီးနောက် ပထမဆုံးအကြိမ် အေမာနိုက အီရန်သို့ ရောက်လာခြင်းဖြစ်သည်။
“၂၀၁၆ ခုနှစ် ဇန်န၀ါရီလကတည်းက JCPOA သဘောတူညီချက်ရဲ့ နျူကလီးယား ကတိက၀တ်တွေကို အီရန်ရဲ့ လိုက်နာမှုနဲ့ပတ်သက်ပြီး IAEA ဟာ စောင့်ကြည့်အတည်ပြုနေပါတယ်။ JCPOA ဟာ အသိအမှတ်ပြုဖို့အတွက် အရေးပါတဲ့ အောင်မြင်မှုတစ်ခုပဲလို့ IAEA က ယုံကြည်ပါတယ်။ JCPOA အရ ကတိပြုထားတဲ့ နျူကတိက၀တ်တွေကို အီရန်က အကောင်အထည်ဖော်နေတယ်လို့ IAEA က ပြောလိုပါတယ်” ဟု အေမာနိုက သတင်းစာရှင်းလင်းပွဲတွင် ပြောကြားခဲ့သည်။
အီရန်မှာ အဆိုပါသဘောတူညီချက်ကို ချိုးဖောက်ခြင်းမရှိဟု ယခင်ကလည်း IAEA က ပြောကြားခဲ့သည်။
ထရမ့်မှာ မဲဆွယ်ပွဲကတည်းက အီရန်နှင့် နျူသဘောတူညီချက်ကို ဝေဖန်ခဲ့ပြီး ယခုလအစောပိုင်းက အီရန်မှာ သဘောတူညီချက်၏ သဘောတရားကို လိုက်နာခြင်းမရှိဟု ပြောကြားခဲ့သည်။ ထို့ကြောင့် အမေရိကန်လွှတ်တော်တွင် ထိုကိစ္စကို ဆွေးနွေးကာ အီရန်အပေါ် ပိတ်ဆို့မှုများ ပြန်လည်ဆောင်ရွက်လာဖွယ် ရှိနေသည်။
ထရမ့်၏ ထိုပြောကြားချက်အား သဘောတူညီချက်တွင် ပါဝင်လက်မှတ်ရေးထိုးထားသည့် အီးယူအပါအ၀င် အခြားနိုင်ငံများက ကန့်ကွက်ကာ ၎င်းတို့အနေဖြင့် ကတိက၀တ်အတိုင်း ဆက်လက်တည်ရှိသွားမည်ဟု ပြောကြားခဲ့သည်။
အေမာနိုကလည်း စည်းမျဉ်းများကို လိုက်နာရန်မှာ အရေးကြီးပြီး မိမိအနေဖြင့် ထိုသဘောတူညီချက်အတိုင်း လိုက်နာသွားမည်ဟု ထည့်သွင်းပြောဆိုခဲ့သည်။
Ref: Aljazeera