မတ် ၁၅၊ ၂၀၁၈
M-Media
– မိမိတို့အနေနဲ့ ဓာတုလက်နက် ကာကွယ်တားဆီးရေးစင်တာတစ်ခု တည်ဆောက်သွားမယ်လို့ ယူကေ ကာကွယ်ရေးဝန်ကြီး ဂါဗင် ၀ီလီယံဆန်က ပြောကြားလိုက်ပြီး ရုရှားနဲ့ မြောက်ကိုရီးယားတို့ထံကနေ ဓာတုလက်နက်နဲ့ ခြိမ်းခြောက်မှု မြင့်တက်လာတာကြောင့် ဖြစ်တယ်လို့ ဆိုပါတယ်။
စတာလင်ပေါင် ၄၈ သန်းလောက် ကုန်ကျမယ့် အဲဒီစင်တာကို ပေါ်တွန်ဒေါင်းမြို့က ကာကွယ်ရေးသိပ္ပံနဲ့ နည်းပညာ ဓာတ်ခွဲစင်တာမှာ တည်ရှိမှာဖြစ်ပါတယ်။
ဗြိတိန်ထောက်လှမ်းရေးအတွက် အလုပ်လုပ်ပေးခဲ့တဲ့ သူလျှိုဟောင်း ရုရှားလူမျိုး ဆာဂျီ စကရီပဲလ်နဲ့ သမီးဖြစ်သူတို့ဟာ မတ်လအစောပိုင်းမှာ စစ်ဖက်သုံး ဓာတုအဆိပ်နဲ့ လုပ်ကြံခံရပြီး ယူကေက ရုရှားရဲ့လက်ချက် ဖြစ်တယ်လို့ ပြောကြားထားပါတယ်။ ဒီအဆိပ်နဲ့ပတ်သက်တဲ့ အသေးစိတ်ကို ထုတ်ပြန်ပေးဖို့ အင်္ဂါနေ့ နောက်ဆုံထားပြီး တောင်းဆိုခဲ့ပေမယ့် ရုရှားက တုန့်ပြန်မှုမရှိတာကြောင့် နိုင်ငံအတွင်းက ရုရှားသံအမတ် ၂၃ ဦးကို တစ်ပတ်အတွင်း ထွက်သွားဖို့ ယူကေက မနေ့မှာ အမိန့်ပေးခဲ့ပါတယ်။
ကာကွယ်ရေးဝန်ကြီး ၀ီလီယံဆန်က မစ္စတာ စကရီပဲလ်ကို တိုက်ခိုက်မှုဟာ တုန်လှုပ်စရာနဲ့သတိပြုစရာကောင်းတဲ့ ကိစ္စဖြစ်ပြီး ယူကအနေနဲ့ ဓာတုလက်နက်အန္တရာယ်ကို တိုးမြင့်ခံစားလာရတယ်လို့ ထောက်ပြပြောဆိုခဲ့ပါတယ်။
အခု ဓာတုလက်နက် ကာကွယ်ရေးစင်တာ တည်ဆောက်မယ့် ကာကွယ်ရေးသိပ္ပံနဲ့ နည်းပညာ ဓာတ်ခွဲစင်တာက သိပ္ပံပညာရှင်တွေဟာ မစ္စတာ စကရီပဲလ်အပေါ် တိုက်ခိုက်မှုကို ကူညီဖော်ထုတ်ပေးခဲ့တာပါ။
ထောင်နဲ့ချီတဲ့ ဗြိတိန်စစ်သားတွေဟာ ဓာတုအဆိပ် ကာကွယ်ဆေးထိုးဖို့ ရှိနေပါတယ်။
ရုရှားကတော့ သူတို့အပေါ် စွပ်စွဲမှုဟာ လက်မခံနိုင်စရာ ရန်စမှုဖြစ်တယ်လို့ ပြောကြားခဲ့ပြီး ပြန်လည် လက်တုန့်ပြန်သွားမယ်လို့ ဆိုပါတယ်။
Ref: BBC