မတ် ၂၀၊ ၂၀၁၈
M-Media
– ကရင်ပြည်နယ် ဖာပွန်မြို့မှာ မြန်မာစစ်တပ်က တပ်တွေတိုးချကာ မြေသိမ်းမှုတွေ ရှိနေတာကြောင့် ရွာ ၁၅ ရွာက ကရင်ပြည်သူ ၂၀၀၀ လောက် အိုးအိမ်စွန့်ခွာ ထွက်ပြေးခဲ့ရပြီး ကရင်အရပ်ဖက်အဖွဲ့အစည်းတွေနဲ့ ဒေသခံတွေက တပ်တွေ ပြန်ရုပ်သိမ်းဖို့ တိုက်တွန်းမှုတွေ ရှိနေပါတယ်။
အစိုးရစစ်တပ်တွေဟာ လမ်းသစ်တစ်ခု ဖောက်ဖို့အတွက် ဖာပွန်ဒေသကို မတ်လ ၄ ရက်နေ့မှာ စတင် ၀င်ရောက်ခဲ့ပြီး နောက်ပိုင်းမှာ ပိုများလာကာ စီမံကိန်းအတွက် လယ်ယာတွေ သိမ်းယူမှုလည်း ရှိနေတယ်လို့ ဒေသခံတွေက ပြောပါတယ်။
“အစိုးရစစ်တပ်ဟာ လမ်းဖောက်ဖို့ ခွင့်ပြုတာထက် ပိုပြီး မြေတွေကို ကျူးကျော်သိမ်းပိုက်တာတွေ ရှိပါတယ်။ ရွာသားတွေက ဒါမျိုးမလိုချင်ဘူး။ သူတို့က ငြိမ်းငြိမ်းချမ်းချမ်းနဲ့ နေချင်တယ်လို့ ပြောပါတယ်” လို့ ဖာပွန်မြို့နယ် ကဲပူကျေးရွာက ရွာသားတစ်ဦးဖြစ်သူ စောအဲမူးက ပြောကြားခဲ့ပါတယ်။
ကရင်ငြိမ်းချမ်းရေးကွန်ယက်က ကြေငြာချက်တစ်စောင် ထုတ်ပြန်ခဲ့ပြီး အဲဒီကြေငြာချက်ထဲမှာ အိုးအိမ်စွန့်ခွာ ထွက်ပြေးရသူတွေကို အစိုးရကတစ်ဆင့်ထက် အရပ်ဖက်အဖွဲ့အစည်းတွေကနေတစ်ဆင့် ကူညီပေးကြဖို့ နိုင်ငံတကာ NGO တွေကို တိုက်တွန်းထားပါတယ်။
“အိုးအိမ်စွန့်ခွာ ထွက်ပြေးရသူတွေက သူတို့အသက်မွေးဖို့ အလုပ်လုပ်ရမယ့် နေရာတွေကနေ အစိုးရတပ်တွေကို ထွက်သွားစေချင်တယ်။ ဒီပြဿနာအတွက် တတ်နိုင်သမျှ အမြန်ဆုံး နှစ်ဖက်ခေါင်းဆောင်တွေ တွေ့ဆုံကာ ဆွေးနွေးစေချင်ကြတယ်။ ဘာ့ကြောင့်လဲဆိုတော့ လူတွေက အခု တောထဲသွားနေရပါတယ်။ စားနပ်ရိက္ခာလိုအပ်နေတယ်။ သူတို့ရဲ့ ကျန်းမာရေးအတွက် ကျွန်တော်တို့ စိုးရိမ်ပါတယ်” လို့ ကရင်ငြိမ်းချမ်းရေးကွန်ရက်က စောဝေလေးက ပြောကြားခဲ့ပါတယ်။
အိုးအိမ်စွန့်ခွာ ထွက်ပြေးရတဲ့ ရွာ ၁၅ ရွာက ရွာသားတွေဟာ မနေ့က လိုကွေးရွာမှာ ငြိမ်းချမ်းရေးအတွက် ၀တ်ပြုဆုတောင်းမှုကို ပြုလုပ်ခဲ့ကြပြီး အစိုးရစစ်တပ်တွေ ထွက်သွားဖို့၊ လမ်းဖောက်နေတာကို ရပ်တန့်ဖို့ တောင်းဆိုခဲ့ကြပါတယ်။
ကရင်အမျိုးသားအစည်းအရုံး (KNU) က မတ်လ ၁၆ ရက်နေ့မှာ ကြေငြာချက်တစ်စောင် ထုတ်ပြန်ခဲ့ပြီး စစ်တပ်တွေ ရုပ်သိမ်းပေးဖို့ အစိုးရကို တောင်းဆိုခဲ့ပါတယ်။
Ref: Reliefweb