မေ ၁၉၊ ၂၀၁၈
M-Media
အမေရိကန်အထက်တန်းကျောင်းတွင် ပစ်ခတ်မှုဖြစ်ပြီး လူ ၁၀ ဦးသေဆုံး
=================
အမေရိကန်ပြည်ထောင်စု တက္ကဆက်ပြည်နယ် ဟူစတန်မြို့ပြင်မှာရှိတဲ့ Santa Fe အထက်တန်းကျောင်းတစ်ခုကို အသက် ၁၇ နှစ်အရွယ် လူငယ်တစ်ဦးက တစ်လုံးထိုးသေနတ်၊ ခြောက်လုံးပြူးသေနတ်တွေနဲ့ ၀င်ရောက်ပစ်ခတ်မှုကြောင့် အနည်းဆုံး လူ ၁၀ ဦးသေဆုံးပြီး ဒဏ်ရာရရှိသူ ၁၀ ဦး ရှိခဲ့ပါတယ်။ အဲဒီလူငယ်ဟာ ဒီမီထရီယော့စ် ပါဂါဇစ်ဆိုသူဖြစ်ပြီး ရဲတပ်ဖွဲ့က ဖမ်းဆီးနိုင်ခဲ့ကာ လူသတ်မှုနဲ့ တရားစွဲဆိုထားပါတယ်။ သေနတ်သမားဟာ သူ့အိမ်နဲ့ ကားတွေမှာ ပေါက်ကွဲစေတတ်တဲ့ပစ္စည်းတွေ ဆင်ထားတာကိုလည်း တွေ့ရှိခဲ့ရပါတယ်။ ပြည်နယ်အုပ်ချုပ်ရေးမှူး ဂရက်ဂ်ျ အက်ဘော့က ဒီဖြစ်ရပ်ဟာ တက္ကဆက်ပြည်နယ်က ပညာရေးသမိုင်းမှာ စက်ဆုပ်ဖွယ်အကောင်းဆုံးဖြစ်တယ်လို့ ပြောကြားခဲ့ပါတယ်။
ကျူးဘားတွင် ခရီးသည်တင်လေယာဉ်ပျက်ကျမှု လူ ၁၀၀ ကျော် သေဆုံး
=============
ကျူးဘားမြို့တော် ဟာဗားနားက ဟိုဆေး မာတီလေဆိပ်မှာ လူ ၁၁၃ ဦးကို တင်ဆောင်သွားတဲ့ Boeing 737 ခရီးသည်တင်လေယာဉ်တစ်စီးဟာ ပျံတက်ပြီး သိပ်မကြာခင်မှာ ပျက်ကျခဲ့တဲ့အတွက် လူ ၁၀၀ ကျော် သေဆုံးခဲ့ပါတယ်။ နိုင်ငံအရှေ့ပိုင်းက မြို့တစ်မြို့ကို ပျံသန်းစဉ်မှာ ပျက်ကျခဲ့တာပါ။ အသက်ရှင်သူ အနည်းဆုံး ၃ ဦးလောက်ရှိပေမယ့် ဆေးရုံမှာ စိုးရိမ်ရတဲ့အနေအထား ရှိနေတယ်လို့ ဒေသတွင်းမီဒီယာတွေက ဖော်ပြပါတယ်။ ပြီးခဲ့တဲ့နှစ်ကလည်း ကျူးဘားမှာ စစ်လေယာဉ်တစ်စင်း ပျက်ကျခဲ့တဲ့အတွက် လူ ၈ ဦးသေဆုံးခဲ့ပါတယ်။
ပါလက်စတိုင်းကိစ္စတွင် မွတ်စလင်နိုင်ငံများ ညီညွတ်ရန် အာဒိုဂန် တိုက်တွန်း
================
ပါလက်စတိုင်းပြည်သူတွေအပေါ် အစ္စရေးရဲ့ ရက်စက်ကြမ်းကြုတ်မှုတွေကို တွန်းလှန်ရေးအတွက် မွတ်စလင်နိုင်ငံတွေ ညီညွတ်ဖို့လိုပြီလို့ အစ္စတန်ဘူလ်မှာ မနေ့ကပြုလုပ်တဲ့ OIC အစည်းအဝေးမှာ တူရကီသမ္မတ အာဒိုဂန်က ပြောကြားလိုက်ပါတယ်။ ပြီးခဲ့တဲ့ တနင်္လာနေ့မှာ အစ္စရေးက ဂါဇာမှာ ပါလက်စတိုင်း ၆၀ ကျော်ကို သတ်ဖြတ်ခဲ့မှုအတွက် နိုင်ငံတကာက ဆန့်ကျင် ရှုတ်ချမှုတွေ လုပ်ခဲ့ပါတယ်။ အာဒိုဂန်က အစ္စရေးရဲ့ ဒီအစုလိုက်အပြုံလိုက် သတ်ဖြတ်မှုကို အရေးယူခြင်းအားဖြင့် ကမ္ဘာကြီးမှာ လူသားဝါဒ မသေဆုံးသေးဘူးဆိုတာ ပြသဖို့လိုကြောင်း ထည့်သွင်းပြောကြားခဲ့ပါတယ်။
မလေးဝန်ကြီးချုပ်ဟောင်းကို ခြစားမှုတိုက်ဖျက်ရေးကော်မရှင်က ဆင့်ခေါ်ထား
==============
နိုင်ငံပိုင် 1MDB လုပ်ငန်းကနေ ဒေါ်လာသန်းချီ ပျောက်ဆုံးမှုနဲ့ပတ်သက်ပြီး စုံစမ်းစစ်ဆေးမှုမှာ လာရောက်ထွက်ဆိုဖို့အတွက် မလေးရှား ခြစားမှုတိုက်ဖျက်ရေးကော်မရှင် (MACC) က ၀န်ကြီးချုပ်ဟောင်း နာဂျစ်ရာဇတ်ကို ဆင့်ခေါ်ထားပါတယ်။ စုံစမ်းစစ်ဆေးမှု တစ်စိတ်တစ်ပိုင်းအဖြစ် ရဲတပ်ဖွဲ့က ပြီးခဲ့တဲ့ရက်ပိုင်းမှာ နာဂျစ်နဲ့ ဆက်နွယ်နေတဲ့ နေရာ ၆ ခုကို ၀င်ရောက်ရှာဖွေမှုတွေ ပြုလုပ်ခဲ့ပါတယ်။ အမှုတွဲကို လေ့လာနေတဲ့ ကော်မရှင် တာဝန်ရှိသူတစ်ဦးက 1MDB ကနေ ကန်ဒေါ်လာ ၁၀.၆ သန်းလောက်ဟာ နာဂျစ်ရဲ့ ဘဏ်အကောင့်ထဲကို ရောက်နေတယ်ဆိုတာ တွေ့ခဲ့ရတယ်လို့ ပြောကြားခဲ့ပါတယ်။ မနေ့က ကော်မရှင်တာဝန်ရှိသူတွေဟာ ကွာလာလမ်ပူက နာဂျစ်အိမ်ကို သွားရောက်ခဲ့ပြီး အင်္ဂါနေ့မှာ ကော်မရှင်ထံ လာရောက်အစစ်ဆေးခံဖို့ ပြောကြားခဲ့ပါတယ်။
Ref : Aljazeera, CNA