မတ် ၄၊ ၂၀၂၁
M-Media
-အာဏာသိမ်းစစ်ကောင်စီရဲ့အမိန့်ကို မနာခံလိုတဲ့အတွက် ရဲတပ်သား ၃ ဦးဟာ မီဇိုရမ်ပြည်နယ်ကို ဝင်ရောက်ခိုလှုံလာတယ်လို့ အိန္ဒိယရဲတပ်ဖွဲ့က ဒီနေ့မှာ သတင်းထုတ်ပြန်ပါတယ်။
ဗန်လိုင်ဖိုင်ဆိုတဲ့မြို့လေးကို မနေ့က နေ့လည်ပိုင်းက လာရောက်ခိုလှုံခဲ့တာဖြစ်ပြီး
ဒေသခံအာဏာပိုင်တွေက ကျန်းမာရေးစစ်ဆေးကာ၊ နေဖို့ထိုင်ဖို့ စီစဉ်ပေးခဲ့ပါတယ်။
“စစ်အစိုးရက ပေးတဲ့အမိန့်ကို မနာခံလိုဘဲ စစ်အုပ်ချုပ်ရေးအောက်မှာလည်း မနေချင်တဲ့အတွက် ဝင်ရောက်ခိုလှုံလာတာ ဖြစ်တယ်လို့ သူတို့က ပြောပါတယ်” လို့ မီဇိုရမ်ပြည်နယ် ရဲတပ်ဖွဲ့က တာဝန်ရှိသူ စတီဖင် လာရီနော်မာက ရိုက်တာသတင်းဌာနကို ပြောကြားခဲ့ပါတယ်။
မြန်မာနိုင်ငံက ဖိနှိပ်ချုပ်ချယ်မှုကြောင့် ချင်းလူမျိုးတွေ၊ ရိုဟင်ဂျာတွေအပါအဝင် တိုင်းရင်းသားနည်းစု ထောင်နဲ့ချီ မီဇိုရမ်မှာ သွားရောက်ခိုလှုံနေရပါတယ်။
Ref: Reuters